नेता नैतिकता सँग मेल नखाने व्यवहार नबनाऊ

गजल

नेता नैतिकता सँग मेल नखाने व्यवहार नबनाऊ,
राजनीतिलाई तिमी सधै आफ्नै व्यापार नबनाऊ।

कुन मुहार लिएर जान्छौ भोट माग्न जनता सामु,
कार्यक्रतालाई नै एक आर्काको सिकार नबनाऊ।

अतिकर्मण रोक्न गएका एमसीसी पारित गरायौ,
नागरिकता पारित गरायौँ झुटा यो दरार नबनाउ।

चितामा दिनदिनै लास जलेका हुन्छन् हात रित्तो,
शिक्षा लिएर आफैलाई पापको हकदार नबनाऊ।

देश छ र पो राजनीति गरेका छौँँ हामि तिमीहरू,
आफ्नो देशलाई भाड्ने यस्तो आधार नबनाऊ।

जसलाई व्यवस्थाको उपचार गर्न पठाएका थियौं,
थोरै त लाज मान यस्तो व्यवस्था बिमार नबनाऊ।
सूरेशकुमार पाण्डे दाङ घोराही