लघुकथा ( गफ) सुरेशकुमार पाण्डे

लघुकथा:-गफ!
 सुरेशकुमार पाण्डे/ के गर्दै हुनुहुन्छ? घरमा अरू कोहि छैनन्?”- मास्टरजीलाई घर बढारन थालेको देख्यो र अमिलालले सोध्यो।
“घरमै छन् सबै।”-मास्टरजीले सटिकमै भने र पुनः काममा लागे।
घरको छत सटेको थियो अमिलाल केही पाहुँना सहित छतमा मज्जाले घाम तापेर गफाउँदै थिए।

“त्यो घरमा महिँला हरूको राज छ।बिचरा मास्टर सधै यस्तै काम गरिरहेको देख्छु मैले।” अमिलाल त्यहाँ बसेका पाहुँनाहरू सँग बिस्तारै भन्छ।यस्तो छिमेकी भयो भने आफ्नै घरमा पनि समस्याको जन्म हुन्छ।होसियार रहनु भाई।”-त्यहाँ बसेका मध्य आर्कोले मास्टर तिर हेर्दै बिस्तारै भन्छ।

मलाई यो मास्टरको व्यवहारले खासै असर पर्दैन्।हाम्रा घरका महिंलाहरू आदर्शवादी छन्।मेरी स्वस्निले अहिले सम्म मलाई एक गिलास पानी दिनुस् पनि भनेकी छैन्।”अमिलालले आफ्नो स्वास्निको खुबै प्रसंसा गर्दै भन्यो।मास्टरजी भने आफ्नै काममा व्यस्थ थिए।

“सुन्नुस् त राजुको बा! म बजार जाँदै छु।बाल्टीमा लुगा भिजाएकी छु।मलाई आउँन ढिला हुन्छ त्यो लुगा धोएर सुकाइदिनुहोला!-“अमिलालकी स्वास्नीले भनेको मास्टरको कानमा पर्यो।उनि आफ्नो हाँसो रोक्न सकेनन् खितिति हाँसे।छतमा बसेका एककोहोरो उनैलाई हेरेकाथिए।
✍️सुरेशकुमार पाण्डे