बुढीगँगामा संञ्चालित ३ दिने मेलमिलाप सहजकर्तालाई पुनर्ताजकीय तालिम सम्पन्न

बाजुराः  जिल्लाको बुढीगँगा नगरपालिकामा मेलमिलाप सहजकर्तालाई ३ दिने पुनर्ताजकीय तालिम हिजो( आईतवार ) सम्पन्न भएको छ । न्यायिक समिति अन्तर्गत रेहेर काम गर्ने मेलमिलाप कर्ताहरुका लागि ३ दिने तालिम सम्पन्न गरिएको न्यायक समिति सँयोजक तथा नगर उपप्रमुख माया कुँवर खड्काले बताउनुभएको छ ।

उक्त पुनर्ताजकीय तालिमको उपप्रमुख माया कुँवर खड्काले ओैपचारिक कार्यक्रमका बिच सम्पन्न गरनुभएको हो । तालिमबाट न्यायिक समितिमा आउने उजुरि र न्यायिक सम्पादन गर्दा ख्याल गर्नेु पर्ने बिषयमा सिकाई थियो । मेलमिलाप नीति,मेलमिलाप सहजकर्ताका काम , कर्तव्य र अधिकार र मेलमिलाप गर्दा ध्यान दिनु पर्ने कुराको बिषयमा तालिमबाट जानकारी लिएको तालिममा सहभागी मेलमिलाप सहजकर्ता छाया उपाध्यायले बताउनुभएको छ । तालिमका प्रशिक्षक ,अधिवक्ता हर्क खडायत,प्रशिक्षक अधिवक्ता तुलाराम जैशि ,टाँटे प्रहरी चौकि प्रमुख,बल्दे प्रहरी चौकि प्रमुख ,बार्जुगाड प्रहरी चौकि प्रमुख,रिठा प्रहरी चौकि प्रमुखहरु ,रेडियो बाजुराबाट कमला चदारा,रेडियो पौरखीबाट आशा थापालाई कार्यक्रमका अध्यक्ष माया कुँवर खड्काले मायाको चिनो बितरण गर्नुभएको थियो ।

अधिवक्ता हर्क खडायत र अधिवक्ता तुलाराम जैशिले सहजिकरण गर्नु भएको तालिममा ३० जना सहभागी रहेका थिए । यसअघि पनि पालिकाकै अगुवाइमा सबै सहभागीलाई कानुनी परामर्श तथा सचेतना बारे ४८ घण्टे तालिम पनि दिएको कुँवर ले बताउनुभएको छ। मेलमिलाप सहजकर्ताहरुलाई थप क्षमता अभिवृद्धिका लागि तालिम सञ्चालन गरिएको उपप्रमुख माया कुँवरले बताउनुभएको छ। तालिमको समापन समारोहमा न्यायिक समिति सदस्य धर्मराज जैशि,न्यायिक समितिका सदस्य शुसिला मिजार, निमित्त प्रशासकीय अधिकृत प्रेमराज जैशि ,बहादुरसिँ एरि ,जोगराम वि क ,प्रेम लावड, बुढिगँगा १,२,३,४,८,९, का वडा अध्यक्ष र ६ का कार्यवाहक अध्यक्ष पार्वती पाध्याय सहित सहभागी रहनुभएको थियो। तालिम फालासैन को बडिमालिका होटेलमा सञ्चालन भएको थियो.