बुढिगँगा नगरपालिकामा न्यायीक समिति अन्तर्गत वडाका मेलमिलाप कर्ताहरुलाई ३ दिने पुनर्ताजगी तालिम

बाजुरा: बुढिगङ्गा नगरपालिकामा न्यायिक समिति अन्तर्गत वडाका मेलमिलाप कर्ताहरुलाई ३ दिने पुनर्ताजगी तालिम सञ्चालन गरिएको छ । एक ओैपचारिक कार्यक्रमका बिच आज (शुक्रबार)सुरु भएको छ । बुढीगँगा नगरपालिका उपप्रमुख,न्यायक समितिका सँयोजक माया खड्काको अध्यक्षतामा सुरु भएको कार्यक्रममा अतिथि धर्मराज जैशि ,बुढिगँगा नगरपालिका ५ न वडा सदस्य सुशिला मिजार, निमित्त प्रसाशकिय अधिकृत प्रेमराज जैशि,अधिवक्ता हर्क खडायत,अधिवक्ता तुलाराम जैशि , बुढिगँगा नगरपालिका वडा नँ ६ का कार्यवाहक अध्यक्ष पार्वती पाध्याय अतिथि रहनु भएको छ ।

फालासैनमा रहेको बडिमालिका होटेलमा सञ्चालन भएको न्यायिक समिति अन्तर्गत वडाका मेलमिलाप कर्ताहरु लाई ३ दिने पुनर्ताजगी तालिममा वडामा आएका बिवादहरु लाई निरुपण गर्ने का लागि मेलमिलाप कर्ता सँग सहजिकरण गर्ने मुख्य उदेश्य रहेको बुढिगँगा नगर उपप्रमुख माया खड्काले बताउनु भएको छ ।आइतबार सम्म चल्ने उक्त पुनर्ताजगी तालिममा बुढिगँगा नगरपालिकाका दस वटै वडाका २५ बढि मेलमिलाप कर्ता र पत्रकारको सहभागीता रहेको छ ।