बाजुराकाे गाैमुल गाउँपालिकामा एक घरमा आगलागी

बाजुरा : गौमुल गाउँपालिका वडा नं १ माडीमा एक घरमा आगलागी भएकाे छ । आगलागीबाट एक घर जलेर पूर्ण रुपमा नष्ट भएको छ । हिजो बेलुका करिब ८:३० बजेको समयमा घरमा सुतिरहेको अवस्थामा एक्कासी आगलागी भएको हो । स्थानीय महेन्द्र रोकायाको घरमा अचानक आगलागी भएको स्थानीय हरि बहादुर राेकायाले बताएका छन् ।
घरको भान्छा तलाबाट खाना खाएर तल्लो तलामा सुत्न आएको बेला एकाएक आगलागी भएको बताईएको छन् । आगलागीबाट घरमा रहेका अन्नपात, लत्ताकपडा, भाँडाकुडा लगायत जलेर पूर्ण रुपमा नष्ट भएको बताए ।आगलागीबाट कुनै मानवीय क्षति भने नभएको बताए । आगलागीको एकिन विवरणका लागि ईलाका प्रहरी कार्यालय गौमुल गाउँपालिकाबाट प्रहरीको टोली घटना स्थल गएको छ ।