वडा कार्यालयमा तालाबन्दी,कर्मचारी नहुँदा सेवा लिन सास्ती

बाजुरा     जिल्लाको बुढीगंगा नगरपालिका–७ को वडा कार्यालयमा वडा सचिव नहुँदा दैनिक रुपमा सेवा लिन सास्ती हुन थालेपछि स्थानीय राजनितिक दलहरुले वडा कार्यालयमा मंगलबार ताला लगाएका छन् । दुई वर्षदेखि वडा कार्यालयमा वडा सचिव नहुँदा वडा नम्बर ८ मा गएर जन्म,मृत्यु, र बसाइसराई लगायतका पञ्जिकरणका काम गराउदै आएका स्थानीयहरुले वडा नम्बर ८ ले सो काम गर्न नसक्ने भनेपछि सेवा लिनबाट अञ्चित भएका वडाबासीको समस्या वडा र नगरपालिकाले कुनै चासो नदेखाएपछि तालाबन्दी गरेको उनीहरुले बताएका छन् ।

सोमबार नेपाली काँग्रेस,नेकपा एमाले,नेकपा माओवादी र नेकपा समाजवादीका वडाका अध्यक्षहरुले संयुक्त रुपमा प्रेस विज्ञप्ती जारी गर्दै मंगलबार ताला लगाएको जानकारी सहित वडामा ताला लगाएको नेपाली काँग्रेस वडा कार्य समिति सभापति बीरबहादुर केसीले बताएका छन् ।नेपाली काग्रेसका वडा सभापति प्रतिनिधी विर बहादुर के।सी, नेकपा एमालेका नगर कमिटी प्रेम बहादुर बिष्ट, नेकपा माओबादी केन्द्रका प्रतिनीधी वडा कमिटी अध्यक्ष भक्त विष्ट र नेकपा एकिकृत समाजवादी पार्टीका जिल्ला कमिटी सदस्य दिपक बहादुर केसीको सयूक्त हस्ताक्षरित सार्वजनिक सुचना टाँस गर्दै तालबन्दी गरिएको छ ।दुई वर्षदेखि वडामा पञ्जिकरणमा काम गर्ने वडा सचिव नहुँदा अर्को वडामा काम गराएर सहयोग लिदै आएको र सो काम पनि उक्त वडाबाट सेवा नदिएपछि स्थानीय तहको वडा सरकारले जनतालाई सास्ती दिदै आएको आरोप लागेको छ ।