त्रिवेणी नगरपालिकाको १४ औं नगर सभा तथा हिउँदे अधिबेशन सुरु

बाजुरा/  जिल्लाको त्रिवेणी नगरपालिकाको १४ औं नगर सभा तथा हिउदे अधिवेशन शनिबारबाट सुरु भएको छ । हिउँदेको समयावधी सकिनु पुर्व नै गरिसक्नुपर्ने प्रावधान भएकाले नगरपालिकाले शनिबारबाट नगर सभा सुरु गरेको नगरपालिकाले जनाएको छ ।“शिक्षा ,स्वास्थ्य ,सडक र पर्यटन त्रिवेणीको पुर्वाधार,सामुहिक तथा व्यवसायिक कृषि समृद्धिको आधार” भन्ने मुल नाराका १४ औं नगर सभा संचालन भएको हो । शनिबारबाट सुरु भएको हिउदे नगर सभामा दुई वटा कार्यविधी पेश गरिएको नगर प्रमुख कर्ण बहादुर थापाले बताउनु भएको छ ।
हिजो भएको नगर सभामा नगर प्रमुख कर्णबहादुर थापाले छलफलका लागि धार्मिक तथा पर्यटकीय क्षेत्रका रुपमा रहेको नाटेश्वरी क्षेत्र विकास कोष परिचालन तथा व्यवस्थापन कार्यविधी २०८० र अपाङ्गता भएका व्यक्तिहरुको परिचय पत्र वितरण कार्य विधी २०८० सभामा पेश गरिएको बताईएको छ । नगर सभामा नगर प्रमुखले पेश गरेका कार्य विधी सभामा छलफलका लागि पेश भएका छन् । दफाबार छलफलपछि कार्यविधीलाई पूर्णता दिने उनले भने । हिजो (शनिबार)बाट सुरु भएको नगर सभा माघि पर्व कारण दुई दिन स्थगित हुने भएको छ । नगर सभा २ गतेबाट पुनः संचालन हुने भएको छ। नगरपालिकालाई समृद्द बनाउन र करको दायरा बढाएर आर्थिक समृद्ध बनाउने गरी नगर सरकारले कार्य विधी बनाएर अघि बढ्ने बताइएको छ ।
नगरका नागरिकलाई सहज रुपमा वडास्तरबाट नै सेवा प्रदान गर्न र नगरपालिकाले अभिभावकत्व भूमिका निर्वाह गर्न पालिका सरकार जनताका पक्षमा उभिनुपर्नेमा सभामा छलफल भएको नगरपालिकाले जनाएको छ । नगर प्रमुख कर्णबहादुर थापाको अध्यक्षतामा संचालन भएको नगर सभामा उप प्रमुख कमला जैशी९न्यौपाने०,९ वटै वडाका वडाध्यक्ष,कार्यपालिका सदस्य,नगर सभाका सदस्य र कर्मचारीहरु सहभागी रहेका थिए ।