घट्मुनामा बृहत कृषि तथा खाद्य मेला प्रर्दशनी कार्यक्रम सम्पन्न

बाजुरा / जिल्लाको गौमुल गाँउपालिकाको केन्द्र घट्मुनामा बृहत कृषि तथा खाद्य मेला प्रर्दशनी कार्यक्रम सम्पन्न भएको छ । गौमुल गाउँपालिकाको आयोजनामा आज एक औपचारिक कार्यक्रमका साथ कार्यक्रम आयोजना गरिएको हो । “आत्मनिर्भर जनता गौमुल समृद्धिको आधार, शिक्षा र स्वास्थ्यमा सुधार जडीबुटी, पर्यटन प्रवद्र्धन र सहकारी मार्फत कृषिजन्य व्यापार” भन्ने नाराका साथ मेलाको आयोजना भएको हो ।

घट्मुनामा आयोजना भएको खाद्य मेला तथा बाली प्रदर्शनीमा विभिन्न बालीहरु राखिएका थिए । कृषकलाई व्यवसायीकरण बनाउन कृषकको उत्सवका रुपमा प्रत्येक वर्ष सञ्चालन गरिदै आएको कृषि मेलामा बालीहरुको स्टल राखिएका थिए ।मेलामा खाद्यन्न बाली, फलफूल बाली, तरकारी बाली, नगदे बाली, दलहन बाली, जरेबाली, मसला बाली, विविध मह च्याउँ सहीत २ सय ५२ बाली दर्ता गरिएको थिए । जसम मध्ये उत्कृष्ट किसानलाई पुरस्कार प्रदान गरिएको हो । विभिन्न विधामा उत्कृष्ट कृषकलाई प्रमाणपत्र र कृषि सामाग्री प्रदान गरिएको थियो ।कार्यक्रममा हाजिरी जवाफ प्रतियोगिता समेत सञ्चालन गरिएको थियो ।

कृषको क्षमता विकासका लागि सञ्चालन गरिएको प्रतियोगितामा प्रत्येक वडाको एक समूहबाट ४÷४ जनाका सहभागिता रहेको थियो । जसमा प्रथम वडा नं १, द्धितीय वडा नं ५, तृतीय वडा नं ६ र शान्तना वडा नं ४ भएको छ । स्टलमा राखिएका विभिन्न बालीहरुको प्रमुख अतिथि, विशिष्ट अतिथि लगायत अन्य अतिथिहरुले संयुक्त रुपमा अवलोकन गरेका थिए ।

गौमुल गाउँपालिका अध्यक्ष सीता थापाको अध्यक्षतामा सञ्चालन भएको कार्यक्रमको विशिष्ट अतिथिमा वडा नं ५ का वडाध्यक्ष कलक सिंह, १ का वडाध्यक्ष देवेन्द्र बहादुर रोकाया ४ का वडाध्यक्ष अमर बहादुर विक, ३ का वडाध्यक्ष गोरख बहादुर बोहरा रहनुभएको थियो । त्यस्तै अतिथिमा कृषि ज्ञान केन्द्र बाजुराका सूचना अधिकारी मीनप्रसाद जैशी, आईएनएफ नेपाल बाजुराका प्रमुख खमेराज मिश्र विभिन्न पार्टीका प्रतिनिधी, संस्थाका प्रतिनिधी लगायत रहनुभएको थियो । गौमुल गाउँपालिका जिन्सी शाखा प्रमुख गणेश रोकायाले सञ्चालन गर्नुभएको कार्यक्रममा ६ वटै वडाका कृषकहरुको सहभागिता रहेको थियो ।