सुदूरपश्चिममा एचआईभी संक्रमितको संख्या फैलिँदै

सुदूरपश्चिम प्रदेशभित्र एचआईभी संक्रमितको संख्या फैलिँदै गएको छ। यस्ता संक्रमितको संख्या सबैभन्दा बढी कैलालीमा रहेको पाइएको हो। एचआइभी संक्रमितकै कारण सुदूरपश्चिमका ९ जिल्लामा गरी तीन वर्षको अवधिमा दुई सय २६ जनाको मृत्यु भइसकेको छ।

नियमित उपचारमा रहेका र औषधि सेवन गरिरहेका ७२ महिला र १ सय ५४ पुरुषको मृत्यु भएको हो। आर्थिक वर्ष २०७९र८० मा उपचारमा रहेका ६४ जनाको मृत्यु भएको छ। आर्थिक वर्ष २०७८र७९ मा मृत्यु हुनेको संख्या ७९ रहेको थियो भने आर्थिक वर्ष २०७७र७८ मा उपचारमा रहेका ८३ जना एचआईभी संक्रमितको मृत्यु भएको सुदूरपश्चिम प्रदेश स्वास्थ्य निर्देशनालयले जनाएको छ।