खुला भलिबलको फाइनलमा आज जनक दानी स्पोर्टस क्लब र एलि कन्ट्रक्सन बिच प्रतिस्पर्धा हुने

बाजुरा ।  त्रिवेणी नगरपालिका ९ पैमा जारी खुला भलिबल प्रतियोगिताको उपाधीका लागि आज जनक दानी स्पोर्टस क्लब र एलि कन्ट्रक्सन अछाम बिच प्रतिष्पर्धा हुने भएको छ । सहभागि ८ टिमलाई पछि पार्दै जनक दानी स्पोर्टस क्लब र एलि कन्ट्रक्सन फाइलन प्रवेश गरेका हुन् ।जनक दानी स्पोर्टस क्लबले त्रिवेणी ९ पैमा र एलि कन्ट्रक्सनले आयोजक ए टिमलाई सेमिफाइनलमा पराजित गरि फाइलन पुगेका हुन् । दुबै टिमबीच उपाधीका लागि आज प्रतिस्पर्धा हुने पत्रकार जनक बोहराले जानकारी दिनुभएको छ ।
प्रतियोगिताको विजेता टिमले ले ७१,१११। र द्धितीय हुनेले ३५,१११। सहीत ट्रफी, मेडल र प्रमाण पत्र प्राप्त गर्ने छन् । एक जना उत्कृष्ट खेलाडीलाई ५,१११ रुपैयाले सम्मान गरिने भएको छ । आज चर्चित लाइभ देउडा गायक शंकर मल्ल र टिका शाँउद (सानी) बीच घम्साघम्सी लाइभ देउडा संञ्चालन हुने पनि बताइएको छ । दिनको १२ बजेबाट लाइभ देउडा सुरु हुने आयोजकले जनाएको छ । । तिहार र छठ पर्वको अवसर पारी प्रतिष्ठानले चौथो पटक पदम खत्री स्मृती खुला भलिबल तथा साँस्कृतिक कार्यक्रम आयोजना गरेको हो ।खेल क्षेत्रको विकास र कला सँस्कृतिको जगेर्ना गर्ने गरि कार्यक्रम आयोजना गर्ने गरिएको पदम खत्री स्मृती प्रतिष्ठानका संरक्षक राजेन्द्र खत्रीले बताएका छन् । प्रतियोगिताको त्रिवेणी नगरपालिकाका नगर प्रमुख कर्णबहादुर थापाले उद्घाटन गरेका हुन् ।
कार्यक्रमको चौथौ दिन अर्थात भोली मंसिर ३ गते साँस्कृतिक कार्यक्रम सहीत समापन गर्ने कार्यतालीका रहेको आयोजकले बताएको छ । उक्त साँस्कृतिक कार्यक्रममा चर्चित लोक दोहारी गायक राजु ढकाल, गायीका चता उद्घोषिका हेमान्ता भट्टराई, देउडा गायक दिनेश नेपाली सहीत अन्य राष्ट्रिय तथा स्थानियकलाकार हरुका बेजोड प्रस्तुती रहने आयोजकले बताएको छ ।