भुकम्प सम्बधि  (मुक्तक) गोबिन्द्र राज तिमिल्सेना (कुशुम कान्छो)

बिपत्ती कुनै बाजा बजाएर आँउदैन,जुनसुकै बेला पनि दुनिया ध्वस्त पार्न सक्छ । यस्ता बिपत्तीबाट हामीले सजगता अपनाउन जरुरी देखिन्छ ।भु-भनेको पृथ्वी कम्प भनेको हल्लनु (पृथ्वी हल्लनु नै भुकम्प हो) 

भुकम्प सम्बधि  मुक्तकहरु

१ः
एका बिहानै सारो हल्लायो
भुईचालोले पुरै सातो खायो
बाजुरामै केन्द्रबिन्दु बनाएर,
४ः १५ मा भुईचालो आयो ।।

२

भुकम्पले गर्दा आज घर कस्तो भयो ।
फेरि आउने हो कि डर कस्तो भयो ।
चारैतिर सन्नाटा छायो,हावाहुरि चल्यो,
हेरन गाउँ अनि शहर कस्तो भयो ।।

३

ठुला-ठुला घरहरु ढलायो के गर्नु ।
कतिपय लाशहरु जलायो के गर्नु ।
नत बस्ने ठाउँ छ नत खानेकुरा,
चारैतिर हावाहुरि चलायो के गर्नु ।।

४

भुकम्पले सतायो आँखा ओभानो भयन ।
रात काटियो बस्नको लागि छानो भयन ।
भएको जति सबै भुकम्पले पुरिदियो,
खानको लागि पनि एकमुठि मानो भयन ।।

५ः

भुकम्पले आज यहाँ रुनु बनायो ।
दुखैदुख आँसुले मुख धुनु बनायो ।
अरु के नै बाकि राख्यो र जिन्दगिमा,
वेदनाको भित्री तस्विर छुनु बनायो ।।

गोबिन्द्र राज तिमिल्सेना (कुशुम कान्छो)