पाँचौ छेडेदह कप: ४ टिम सेमिफाइनलमा प्रवेश, ४ टिम खेलबाट बाहिरिए

बाजुरा :- बाजुराको खप्तड छेडेदहमा जारी पाँचौ छेडेदह कप फुटबल प्रतियोगिताको क्वाटरफाइनलका खेलहरू आजबाट सकिएका छन्।आज भएको क्वाटरफाइनलका खेलमा सहभागि ८ मध्येबाट ४ वटा टिमले सेमिफाइनलको यात्रा तय गरेका छन् । भने ४ वटा टिम खेलबाट बाहिरिएका छन् । सेमिफाइनल खेलका लागि आयोजक, त्रिवेणी, रानिवन र कन्सन बाजुरा विच खेल हुनेछ । त्यस्तै विएसवाईसी बह्रमतोला, घह् युनाइटेड, टिम बडालेख र गौमुल स्पोर्टस् क्लव क्वाटरफाइनल खेलबाट बाहिरिएको खेल संयोजक कृष्ण ओलीले बताएका छन् ।
भोलि विहान हुने सेमिफाइनलको पहिलो खेल आयोजक र त्रिवेणी विच हुनेछ । भने दोस्रो खेल रानिवन र कन्सन बाजुराविच हुने आयोजकले बताएको छ । कन्सन र रानिवन यसअघिको चौथोे छेडेदह कपको विजेता र उपविजेता बनेका थिए ।
सेमिफाइनल खेलबाट रानिवन र कन्सन मध्ये एउटा टिम खेलबाट बाहिरिने छ । त्यस्तै त्रिवेणी र आयोजक विच हुने सेमिफाइनल खेलबाट विजेता हुने टिमले फाईनल खेलका लागि प्रवेश गर्ने छ । प्रतियोगिताको विजता टिमले २ लाख ३५ हजार ३ सय ३५ रूपैया पाउने छ भने । उपविजेता हुने टिमले १ लाख २५ हजार २ सय २५ रुपैया पाउने छ । यो द्वितिय पुरस्कार भने राष्ट्रिय युवा स‌ंघ नेपालका सचिव विनय शाहले व्यक्तिगत रुपमा प्रदान गर्ने यस अघि नै घोषणा गरिसकेका छन् ।
यो वर्ष खेलमा वेष्ट पिलियर, राइजिङ पिलियर, वेष्ट किपर, वेष्ट डिफेन्डर र सर्वाधिक गोल कर्तालाई पनि पुरस्कार सहीत मेडल र प्रमाण दिईने आयोजकले बताएको छ । विजया दशमी तथा शुभदिपावलीको अवसरमा दशैं र तिहारको विचमा प्रत्येक वर्ष क्षेडेदह स्पोट्र्स क्लवले प्रतियोगिताको आयोजना गर्दै आईरहेको छ ।
खप्तड छेडेदह गाउँपालिका र ७ नम्बर वडा कार्यालयसँगको सयुक्त सहकार्यमा पाँचौ छेडेदह कप प्रतियोगिता ११ कार्तिकबाट संचालन भईरहेको छ । सुदूरपश्चिम प्रदेशका सांसद जुना दानीले उद्घाटन गरेको प्रतियोगिताको समापन सुदूरपश्चिम प्रदेश सरकारका आर्थिक मामिला मन्त्री नरेश कुमार शाहीले गर्ने आयोजकले बताएको छ ।