बाजुरामा परेको असिनापानीले पाकेको गहुँ बाली नष्ट

बाजुरा–जिल्लामा बुधबार दिउसो आएको अविरल बर्षा र असिना पानीका कारण पाकेको गहुँ बालीमा ठूलो क्षति भएको छ।असिनापानीले गर्दा पाकेर घर भित्र्याउनै लागेको गहुँ बाली लगाएत स्याउ,सुन्तला,अनार फलफूल समेत नष्ट नष्ट भएको छ।
हिजो दिउसो आएको अविरल असिना पानीले बुढीगंगा नगरपालिका र बडिमालिका नगरपालिकाका साथै गौमुल तथा खप्तड छेडेदह गाउँपालिकाका किसानले लगाएका गहुँ बालीसँगै आलु,प्याज,लगायतका तरकारी समेत ठूलो मात्रामा नष्ट भएको कृषि ज्ञान केन्द्र बाजुराले जनाएको छ ।

‘बर्षभरी मेहनत गरेर घर भित्र्याउने बेला असिना पानीले खेतीपाती नष्ट गरिदिएपछि के खाने र छोराछोरीलाई कसरी पाल्ने भन्ने चिन्ता कृषकहरूलाई लागेको छ’, खप्तड छेडेदह ७ का खगेन्द्र रावतले दुखेसो पोख्नुभएको छ।