सांसद पाण्डे, र स्वास्थ्य मन्त्री बस्नेत बिच भेटवार्ता, बाजुराको स्वास्थ्य समस्या बारे छलफल

मिन बहादुर खड्का बाजुरा – बाजुराबाट प्रतिनिधि सभा सदस्यमा निर्वाचित सांसद बद्री प्रशाद पाण्डे, र स्वास्थ्य तथा जनसंख्या मन्त्री मोहन बहादुर बस्नेत बिच भेटवार्ता भएको छ । सांसद पाण्डे नेपाल पत्रकार महासंघ बाजुराका निवर्तमान अध्यक्ष पत्रकार सिंह आज मन्त्री बस्नेतको कार्यालयमै गएर भेटवार्ता गरेका हुन् ।

भेटवार्ताका क्रममा बाजुराको स्वास्थ्य क्षेत्र र यातायातको समस्याका बिसयमा छलफल भएको सांसद पाण्डेका स्वकीय ताल बहादुर रावतले जानकारी दिएका छन् । बाजुरामा जिल्ला सदरमुकाममै समेत ६ महिना मात्र नियमित यातायात संचालन हुने गरेको अन्य सडक खण्डको स्तरउन्नति हुन नसकेको र जिल्ला वासिले प्रभावकारी स्वास्थ्य सेवा नपाएक गुनासो मन्त्री बस्नेतलाई पाण्डे र पत्रकार सिंहले सुनाएका हुन् । बाजुरामा जटिल रोगका बिरामीहरुलाई जिल्ला बाहिर रिफर गर्नुपर्ने बाध्यता रहेको, समयमा उपचार नहुँदा अकालमै ज्यान गुमाउनुपर्ने बाध्यता रहेको, साफे मार्तडी सडक खण्ड बिगत पाँच बर्ष यता निरन्तर अवरुद्ध हुँदै आएको लगायता समस्याका बिषयमा भेटवार्तामा कुराकानी भएको हो ।

बल्देमा निर्माण गरिएको बैकल्पिक सडक खण्डलाई गुणस्तरीय सडक बनाउनुपर्ने जिल्ला अस्पताल बाजुरामा एमडिजीपी डाक्टर, ५० सैयाको जिल्ला अस्पताललाई १०० सैयाको बनाउनुपर्ने कोल्टी अस्पताललाई ५० सैयाको बनाई प्रदेश सरकारको मातहतमा संचालन गर्नुपर्ने, टाटे स्वास्थ्य चौकीको स्तरउन्नति गर्नुपर्ने, प्रत्यक पालिकामा पोषण कार्यक्रम संचालन हुनुपर्ने लगायतका मागहरू समेत मन्त्रालयमा राखेको बताइएको छ । जिल्लाको समग्र बिकासका लागि सांसद पाण्डे विभिन्न मन्त्रालय धाइरहेका छन् । संसदमा समेत जिल्ला वासिको आवाजलाई बुलन्द गरिरहेका छन् ।

नेपाली कांग्रेस सहमहामन्त्री समेत रहेका प्रतिनिधि सभा सदस्य पाण्डे र नेपाल पत्रकार महासघ जिल्ला शाखा निबर्तमान अध्यक्ष प्रकाश सिंह र बिद्यार्थी नेता दिल थापा मन्त्री बस्नेत कहाँ पुगेका हुन् ।