१९ गते बाट हुने भनिएको प्रथम खप्तड मालिका उद्योग ,कृषि, पर्यटन र व्यापार महोत्सव चैत्र ३ गतेबाट हुने

बाजुरा –खप्तड मालिका युवा संजाल बाजुराको आयोजनामा उद्योग कृषि पर्यटन र व्यापार जडिबुटी संस्कृती बाजुराका आधार भन्ने मुल नाराका साथ यहीँ फागुन १९ गते देखि २७ गते सम्म संचालन हुने भनिएको प्रथम खप्तड मालिका उद्योग,कृषि, पर्यटन र व्यापार महोत्सव आगामी चैत्र ३ गतेबाट हुने भएको छ । खप्तड मालिका युवा सं जालले पत्रकार सम्मेलनको आयोजना गर्दै महोत्सव प्राबिधिक कारण केही समय पछाडि सारिएको जानकारी गराएको हो ।
छोटो समय भएका कारण व्यवस्थापनमा चुनौती देखिएकोले हाललाई स्थगीत गरि मिति सारिएको आयोजक खप्तड मालिका युवा संजालको अध्यक्ष शुक्रराज बोहराले बताएका छन् । महोत्सवको मिति परिवर्तन गर्नुको अन्य कुनै कारण भने नभएको पत्रकार सम्मेलनमा उनले बताएका हुन् । यता लोक तथा दोहोरी गीत प्रतिष्ठान बाजुराले भने यो महोत्सव प्रति आपत्ति जनाउदै आएको छ । जिल्लाका कलाकाहरूलाई उपेक्षित गरि जिल्ला स्थित लामो समय देखि कलाकारिता क्षत्रमा आवद्ध अग्रज कलाकार र आबद्ध संघ संगठनलाई जानकारी नै नगराई पुर्जी पलायन हुने गरि बाजुराका कलाकारका विरुद्ध बोल्ने कलाकारहरुलाई बोलाएर गर्न लागिएको महोत्सवमा जिल्ला स्थित कुनै पनि कलाकारलाई सहभागी नहुन विज्ञप्ती जारी गर्दै नेपाल लोक तथा दोहोरी गीत प्रतिष्ठान बाजुराले आग्रह गरेको छ ।
तर यता आयोजकले भने सो कारणले महोत्सवको मिति परिवर्तन नगरेको दावी गरेको छ । चर्को दबाब पछि मात्र महोत्सवको मिति सारिएको हल्ला भएपनि आयोजकले भने कसैको दबाबका कारण महोत्सव स्थगीत गरि मिति परिवर्तन नगरेको जनाएको छ । आगामी चैत्र २ गतेबाट हुने सो महोत्सव १२ गते सम्म चल्नेछ । महोत्सवमा आमन्त्रित कलाकारहरु समेत परिवर्तन हुन सक्ने बताइएको छ । सकेसम्म असन्तुष्ट पक्षलाई समेत समेट्ने प्रयास गर्ने पनि आयोजक खप्तड मालिका युवा सं जालले जनाएको छ ।