नसर्ने रोग सम्बन्धि निशुल्क शिविर जगन्नाथ गाउँपालिकाको जुड्डिमा सुरु

मिन बहादुर खड्का बाजुरा – नसर्ने रोग सम्बन्धि निशुल्क शिविर जगन्नाथ गाउँपालिकाको जुड्डिमा सुरु भएको छ । स्वास्थ कार्यालय बाजुराको आयोजनामा एक दिने निशुल्क शिविर सुरु भएको हो । नसर्ने रोग सम्बन्धि निशुल्क शिविर जिल्लाको जगन्नाथ गाउँपालिका, खप्तड छेडेदह गाउँपालिका र गौमुल गाउँपालिकामा संचालन हुनेछ । यस्तै यहीँ फाल्गुन १५ गते खप्तड छेडेदह गाउँपालिकामा र १६ गते गौमुल गाउँपालिकामा शिविर संचालन हुने स्वास्थ कार्यालय बाजुराले जनाएको छ ।

सोही अनुसार आज जगन्नाथ गाउँपालिकाको जुड्डिमा सुरु गरिएको हो । बिहान ९ बजेबाट सुरु भएको शिविरमा जिल्ला अस्पताल बाजुराका कार्यालय प्रमुख एमडिजिपी डाक्टर प्रेरित देवकोटा र स्त्री रोग विशेषज्ञ सुनिल शाहले विभिन्न नसर्ने रोग सम्बन्धि उपचार र परामर्श गरिरहनु भएको छ । गाउँपालिकाको ६ वटै वडाबाट विभिन्न नसर्ने रोगका संक्रमक बिरामीहरु गाउँपालिकाको कार्यालय सम्म उपचारका लागि पुगेका छन् । यतिबेला सेवा ग्राहीको भिड लागेको छ ।