जावलाखेल युथ क्लबको मुख्य प्रशिक्षकमा श्रेष्ठ नियुक्त

काठमाडौं  -ए डिभिजनको जावलाखेल युथ क्लबले सुनिल श्रेष्ठलाई मुख्य प्रशिक्षक नियुक्त गरेको छ । नयाँ सिजनको शहीद स्मारक ए डिभिजन लिगलाई मध्यनजर गर्दै जावलाखेलले श्रेष्ठलाई मुख्य प्रशिक्षक बनाएको हो । क्लबले सुनिललाई मुख्य प्रशिक्षक नियुक्त गरेको बताए ।
उमेर समूहको राष्ट्रिय टिम समेत हेरिसकेका सुनिल श्रेष्ठ जावलाखेल युथ क्लबका पुराना खेलाडी समेत हुन् । यस्तै जावलाखेलले नरेश थापालाई सहायक प्रशिक्षक नियुक्त गरेको छ ।
गत सिजन किशोर केसीको प्रशिक्षणमा जावलाखेलले ए डिभिजन लिग खेलेको थियो । जावलाखेल युथ क्लब हाल सर्लाहीमा भइरहेको सातौं राजर्षी जनक कप खेलिरहेको छ । नयाँ सिजनको लिग यही फागुन १९ गतेदेखि सुरु हुँदैछ । नयाँ सिजनको लिग आउनुअघि अहिले क्लबहरु खेलाडी अनुबन्ध गर्ने र प्रशिक्षक नियुक्त गर्ने काममा व्यस्त छन् ।