बाजुरामा भुकम्पले गरेको क्षती बिवरण संकलन गर्ने टोली घटना स्थलमा अझै पुगेन

मिन बहादुर खड्का बाजुरा- भुकम्पले क्षती गरेको ४ दिन बितिसक्दापनी क्षती बिवरण संकलन गर्ने टोली घटना स्थलमा अझै नपुगेको पिडितहरुले गुनासो गरेका छन् । जिल्लाभर भुकम्पले भौतिक एव्म मानविय क्षति भएको छ । भुकम्पका कारण हिमाली गाँउपालिकामा रहेको हाते कागज उद्योगमा पनि क्षती भएको छ ।

मङ्गलबार दिउँसो २ बजेर ४३ मिनेटमा ५ दशमलव ९ म्याग्निच्युटको भूकम्प गएको थियो । सोही भुकम्पका कारण बिगत ७ बर्ष यता हिमालि गाँउपालिका वडा न. २ ठुलाकोटका का स्थानिय सुर्जपती बुढा र भरिलाल बुढाले संचालन गर्दै आएका नेपाली होते कागज उद्योगको एक मा क्षेती भएको स्थानिय जिवन बुढाले जानकारी दिएका छन् । अहिलेसम्म त्यहाँ प्रहरीको टोली समेत नपुगेको उनले बताए । घरदेखि आधा घण्टा हिडेर पुगिने उक्त हाते कागज उद्योगमा हिजो अस्ति हिँउ परेका कारण जान नसकिएको र आज चार दिनपछी मात्र गएर हेर्दा भवन भत्किएर पुर्ण रुपमा क्षेती भएको उनको भनाई छ ।

उक्त भवन भत्किदा करिव ५ देखी ६ लाख बराबरको क्षेती भएको तर क्षेती बिवरण संकलन गर्ने भने टोली त्यहाँ सम्म नपुगेरै फर्किएको बताएका छन् । भवन भत्किएपछी मेसिन समेत च्यापिएको उनले बताए । क्षतीको बिवरण संकलनका लागी त्यहाँसम्म पुगेको टोली वडा न. १ र ३ सम्म मात्र पुगेको उनको भनाई छ । यता यो बिषयमा जिल्ला प्रशासन कार्यालय बाजुराका प्रजिअ पुष्कर खड्कालाई बुझ्दा क्षतिको बिवरण संकलनका लागी त्यहाँ प्रहरीको टोली खटाएको बताएका छन् । तर उक्त कागज उद्योग बारे भने बिवरण नआएको उनले बताए । टोली बिवरण संकलनकै क्रममा भएकाले प्रहरी प्रमुख सुर्य बहादुर थापालाई सो ठाँउको बिवरण संकलन गर्न निर्देशन दिइसकेको  पनि प्रजिअ खड्काको भनाई  छ । सो गाँउपालिकाका अन्य ठाँउको बिवरण भने आइसकेको उनले बताएका छन् ।

भुकम्प  जाँदा हाल सम्मको बिबरण अनुसार ४२ परिवार पूर्णरूपमा विस्थापित भएका छन्। भूकम्पबाट तीन पालिकाका ती परिवार विस्थापित भएका हुन्। भूकम्पले हिमाली गाउँपालिकाका १२, गौमुल गाउँपालिकाका १५ र बडिमालिका नगरपालिकाका १५ परिवार विस्थापित भएको जिल्ला प्रहरी कार्यालयका प्रहरी नायव उपरीक्षक सूर्यबहादुर थापाले जानकारी गराए। बडिमालिकाका १२, हिमालीका चार र गौमुलका १४ परिवार आफन्तकोमा बसेका छन्।

भुकम्पका कारण गौमुल गाउँपालिका वडा नम्वर २ कि ३२ वर्षिया जमुना रोकायाको भिरबाट खसेको ढुंगा लागेर मृत्यु भयो भने गौमुल गाउँपालिकाकै वडा नम्वर १ का ३५ वर्षका राजदल बोहरा, बडीमालिका नगरपालिका २ कि ४५ वर्षिया चन्दा महत र हिमाली गाउँपालिकाकी सरिता नेपाली घाईते भईन भने गौमुलमा ३५ वटा पशुचौपाया मरेका छन् । प्रजिअ खड्का सहितको टोलि बुधवार नै गौमुल गाँउपालिकामा पुगेर मृतकका जेठाजुको हातमा नगद रु २५ हजार राहात हस्तान्त्रण प्रजिअ खड्काले गरेका थिए ।जिल्ला भर ५ ओटा सरकारी भवनमा आँसिक र अन्य ७ ओटा भवनमा सामान्य क्षेती भएको छ। भूकम्पका कारण झण्डै चार सय घरमा क्षति पु¥याएको जिल्ला प्रशासन कार्यालय बाजुराले जनाएको छ।

जसका कारण भुकुम्प पिडितहरु थप समस्यामा परेका छन् । बाजुराका ९ मध्ये ८ वटा पालिकाका सयौँ घरपरिवार भूकम्पबाट प्रभावित छन्, हिउँदको चिसो समय भएकाले पिडितहरु थप समस्यामा परेका छन् । घरभित्र बस्न नसकिने भएपछी अव कहाँ गएर बस्ने भन्ने चिन्तामा धसकम्प पिडितहरु छन् उनिहरुले आवशयक राहात र उद्धाररको माग गरिरहेका छन्तर राहात बितरण र उद्धार त टाढाको कुरा हो अहिले सम्म क्षेतीको एकिन बिवरण समेत आउन सकेको छैन । सवै ठाँउको क्षेतीको बिवरण संकलन गरिसके पश्चिात पुनः बिपद व्यवस्थापन समितिको बैठक बसि कहाँ कसलाई कति क्षेतीपुर्ती दिने भन्ने बिषयमा छलफल गरिने प्रजिअ खड्काले बताएका छन् । क्षेतीका आधारमा राहात बितरण गरिने पनि उनले बताएका छन् ।