नेपाल विद्यार्थी संघ बाजुराको अध्यक्षमा थापा मनोनित

मिन बहादुर खड्का बाजुरा-नेपाल विद्यार्थी संघ बाजुराको अध्यक्षमा जनक बहादुर थापा मनोनीत भएका छन् । नेपाल विद्यार्थी संघको अधिबेशन आगामी चैतमा हुँदैछ । यस अघि नेपाल विद्यार्थी संघ बाजुराको कार्यवाहक अध्यक्षका रुपमा काम गर्दै आएका थापा पुनः अध्यक्षमा मनोनीत भएका हुन् । नेपाल विद्यार्थी संघ केन्द्रिय समितिले थापालाई अध्यक्षको जिम्मेवारी दिएको हो । नेपाली कांग्रेस जिल्ला कार्य समितिको सिफारिस पश्चात नै थापालाई जिल्ला अध्यक्षको जिम्मेवारी दिइएको बताइएको छ ।

नेपाली कांग्रेस बाजुराका अनुसार थापालाई गत पुष १८ गते बसेको जिल्ला कार्य समितिको बैठकले नेपाल विद्यार्थी संघ बाजुराको अध्यक्षको पद रिक्त रहेको भन्दै थापालाई अध्यक्षमा मनोनीत गर्न अनुरोध सहित नेपाल विद्यार्थी संघ केन्द्रिय समितिलाई पत्रचार गरेको थियो । कांग्रेस जिल्ला कार्य समितिको प्राप्त पत्र अनुसार थापालाई जिल्ला अध्यक्षको जिम्मेवारी दिइएको नेपाल विद्यार्थी संघ केन्द्रिय कार्यालयले जनाएको छ । नेपाल विद्यार्थी संघको बिधान २०२७ को छैटौं संसोधन २०७५ बमोजिम तिन महिना भित्र अधिबेशन सम्पन्न गर्न अनुरोध सहित अध्यक्षको जिम्मेवारी दिइएको बताइएको छ । बिगत लामो समय देखी नेपाल विद्यार्थी संघको राजनीतिमा तलिन थापालाई अध्यक्षमा मनोनीत गरे संगै जिल्ला अधिवेशन सप्पन्न गर्न पनि भनिएको छ ।

बिगत लामो समय देखी नेपाल विद्यार्थी संघमा आवद्ध रही विद्यार्थीको हक अधिकारका निमित्त, देशको राजनीति घटनाक्रममा भएका अनियमितता अन्याय,अत्तेचार,भ्रष्टाचार, दुराचार,समाजमा व्याप्त कुरुती कुसंस्कारका विरुद्ध आफ्नो आवाज बुलन्द गर्दै आएका युवा विद्यार्थी नेता थापालाई उनको नेपाल विद्यार्थी संघ प्रतीको योगदानलाई कदर गर्दै अध्यक्षका लागी जिल्लाबाट सिफारिस गरिएको कांग्रेस जिल्ला कार्य समितिले जनाएको छ । आफुलाई दिइएको जिम्मेवारी सफलता पुर्वक बहन गर्ने थापाले बताएका छन् । केन्द्रिय कार्यालयले तोकेको समय अवधीमा जिल्ला अधिवेशन सम्पन्न गराउने पनि थापाको भनाई छ ।

समयको माग र आधुनिक समयको गतिशिलता लाई मध्यनजर गर्दै सामाजिक रुपान्तरण जनताको हक अधिकार सुनिश्चित गर्न र आवाज बिहिनको आवाज बुलन्द पार्नको लागी आफु राजनीतिमा लागेको थापाले बताए । आफ्नो अध्ययन र पारिवारिक समस्यालाई थाती राखेर भएपनि एकजना विद्वान् ब्यतिले भन्नु भयो तिमि राजनिति गर्छौ भने खुल्ला फिल्डमा आउँ भन्ने एक जना विद्वानको भनाईलाई आधार मान्दै खुलेर बिध्यार्थी राजनिमा लगेको थापाले बताए । विद्यार्थी राजनीतिमै हुँदा पनि कारण बस कहिलेकाही पराजित भएको भएपनि कसैलाइ प्रतिसोध साधन र विमति प्रकट गर्न भने राजनीतिमा नलागेको उनको भनाई छ । समाजको गरिबि , अशिक्षा , अन्धबिस्वास , जस्ता कुराको अन्त्य गर्न र नितान्त रुपमा राजनीतिका माध्यमबाट जनसेवा गर्ने उदेश्यले राजनीतिमा होमिएको थापाले बताएका छन् ।

को हुन् त ? जिल्ला अध्यक्षमा मनोनीत थापा यो पनि पुरै पढ्नुस है त

बिद्यालयमा पढ्दा कक्षा ७ मा हुँदै सामाजिक विषय पढ्दै गर्दा राजनीतिमा उत्साहित भैई राजनीति गर्ने सोच बनाई विद्यार्थी राजनीति यात्रा सुभारम्भ गरेका थापाले सर्वप्रथम २०६३ मा नेबिसंघको सदस्यता लिएका थिए। ७ कक्षाबाटै राजनी गर्ने अठोट लिएका थापाको २०६३ बाट नेपाल विद्यार्थी संघको राजनीति यात्रा प्रारम्भ भएको थियो । त्यसपछि थापा २०६४ मा नेबिसंघ मालिका नमुना मावि मार्तडीका इकाई अध्यक्ष बनेका थापा २०७० मा नेबिसंघ बाजुरा जिल्ला उपाध्यक्ष बन्न सफल भए । नेपाल विद्यार्थी संघको निरन्तर नेतृत्व गर्दै आएका थापा नेपाली काँग्रेस बडिमालिका वडा कार्यसमिति सभापति समेत बनेका थिए । यस्तै नेपाली काँग्रेस बाजुरा छैठौ जिल्ला अधिवेशनबाट थापा अधिवेशन प्रतिनिधि समेत बनेका उनी नेपाल बिद्यार्थी संघ ११औँ महाधिवेशन मा जिल्ला बाटा प्रतिनिधि बनेका थिए । २०७५ मा आएर थापा फेरी नेबिसंघ बाजुरा जिल्ला अध्यक्ष बनेका थिए। यसरी निरन्तर नेपाल विद्यार्थी संघकै राजनीतिमा तलिन थापा यस अघि नेपाल विद्यार्थी संघ बाजुराको कार्यवाहक जिल्ला अध्यक्ष थिए । पुनः थापालाई नै जिल्ला अधिवेशन सम्पन्न गराउन अनुरोध सहित जिल्ला अध्यक्षमा मनोनीत भएका छन् । जुझारु,सक्षम, निडर र प्रखर वक्ता युवा विद्यार्थी नेता थापाको राजनीतिमा यि एक पछी अर्को सफलता हुन् ।