दुर्गम गाँउमै स्वास्थ्यकर्मीको टोली पुगेर सेवा दिएपछी स्थानिय खुसी

बाजुरा – दुर्गम गाँउमै स्वास्थ्यकर्मीको टोली पुगेर सेवा दिएपछी स्थानिय खुसी भएका छन् । जिल्लाको हिमाली गाउँपालिका–६ को धुलाचौरमा एक दिने आयुर्वेद स्वास्थ्य शिविर संचालन भएको थियो ।  सो आयुर्वेद स्वास्थ्य शिविरमा  जिल्ला आयुर्वेद स्वास्थ्य केन्द्रको टिम गाउँपालिकामै पुगि स्थानीयको स्वास्थ्य चेक जाँच गरि औषधी समेत बितरण गरपछी स्थानिय खुसी भएका हुन् ।

बुधवार जिल्ला आयुर्वेद स्वास्थ्य केन्द्र बाजुराको आयोजना र हिमाली गाउँपालिकाको समन्वयमा १ दिने आयुर्वेद स्वास्थ्य शिविर संचालन भएको हिमाली गाउँपालिकाको कार्यालयले जनकारी दिएको छ । शिविरमा बातरोग, स्त्रीरोग,अम्लपित्त, पायल्स, मधुमेह, बालरोग, चर्मरोग लगायतका बिरामीहरुको उपचार गरिएको जिल्ला आयुर्वेद स्वास्थ्य केन्द्र बाजुराले जनाएको छ । आयुर्वेद स्वास्थ्य केन्द्र बाजुराका अनुसार उक्त शिविरमा ३ सय ६४ बढि स्थानीयले सेवा लिएको बताइएको छ ।