भारतमा एकै परिवारका तीन जना नेपालीको कसरी मृत्यु भयो त ?

काठमाडौं- रोजगारीका लागि भारत गएका कैलालीका एकै परिवारका तीन जनाको निस्सासिएर मृत्यु भएको छ। कोठामा सुतिरहेको अवस्थामा उनीहरुको निस्सासिएर मृत्यु भएको बताइएको छ।

भारतको उत्तर प्रदेशको मेरठमा कैलालीको गौरीगङ्गा नगरपालिका १ गोप्काका उनीहरुको मृत्यु भएको गौरीगङ्गा नगरपालिका १ का डबलबहादुर दियाकोटीले जानकारी दिएका छन् ।

भारतको मेरठमा रोजगारी गर्दै आएका चुन्ने भुल, उनकी श्रीमती कुमारी भुल र दुई वर्षीया छोरीको मृत्यु भएको वडाध्यक्ष दियाकोटीले बताए ।

बन्द कोठामा कोइला बालेर सुतेका उनीहरु आज बिहान मृत भेटिएका हुन्।