कांग्रेस बाजुरा जनताका गुनासा सुन्न निरन्तर जनताको घरदैलोमै त्रीबेणी ४ मा घरदैलो कार्यक्रम सम्पन्न

मिन बहादुर खड्का बाजुरा – प्रदेश र प्रतिनिधि सभा निर्वाचन आगामी मंसिर चार गते हुँदै छ । यतिवेला निर्वाचन नजिकिए संगै विभिन्न ठाउँहरुमा पार्टीका चुनावी रणनीतिक गोष्ठीहरु संचालन राजनीति दलहरूले गरिरहेका छन् । यसै बिच नेपाली कांग्रेस बाजुराले पनि आफ्नो चुनावी घरदैलो अभियानलाई तिब्रता दिएको छ । प्रदेश र प्रतिनिधि सभा निर्वाचनमा नेपाली कांग्रेसको तर्फबाट उम्मेदवारहरुले केहि दिन अगाडि नै चुनावी घरदैलो अभियान सुरु गरेका थिए । उम्मेदवारहरु निरन्तर जनताको गुनासो सुन्न जनताकै घरदैलोमै सरिक रहेका छन् ।

बडिमालिका नगरपालिकाबाट सुरु गरेको घरदैलो कार्यक्रममा नेताहरूको चुनावी प्रचार प्रसार टोली खप्तड छेडेदह गाउँपालिका देखी त्रीवेणी नगरपालिका हुँदै यतिबेला बुढिगंगा नगरपालिका पुगेको छ । छेडेदह गाउँपालिका हुँदै बिहिवार त्रीवेणी नगरपालिका पुगेको चुनावी प्रचार प्रसार टोलीले शुक्रबार त्रीवेणी नगरपालिकाको वडा न ४ मा चुनावी घरदैलो अभियान सप्पन्न गरेको छ । हिजो एक औपचारिक कार्यक्रम बिच चुनावी घरदैलो कार्यक्रम सम्पन्न गरेको हो । औपचारिक कार्यक्रमका बिच सुरु भएको चुनावी घरदैलो कार्यक्रम वडा न . ४ का वडा सभापति नर बहादुर साउदको अध्यक्षतामा सम्पन्न भएको थियो । सभापति साउदको अध्यक्षतामा सम्पन्न भएको कार्यक्रमको प्रमुख अतिथि सुदुरपश्चिम् संगठन बिभाग प्रमुख एवम् नेपाली कांग्रेसको तर्फबाट प्रदेश ख का उम्मेदवार पदम शाही रहेका थिए ।

कार्यक्रममा त्रीवेणी नगरपालिकाका नगर प्रमुख कर्ण बहादुर थापा, नगर उपप्रमुख कमला जोशी नेउपाने, नेकपा माओवादी केन्द्र प्रदेश ख का इन्चार्ज दान बहादुर खड्का , नेपाली कांग्रेस प्रदेश ख का उपसभापति दिल बहादुर बुढा , पुर्व जिल्ला कार्य समिति सदस्य धन बहादुर रावत, अधिकांस जिल्ला कार्यसमितिका पधातिकारी, नेपाली कांग्रेस त्रीवेणी नगरपालिकाका सभापति , निवर्तमान सभापति, अन्य कार्यसमितिका पधातिकारी, प्रत्येक वडा पालिकाका कार्यसमिति पधातिकारीहरु , नेपाली कांग्रेसका भातृ संगठन नेपाल विद्यार्थी संघका विद्यार्थी नेता अनील सिह , लगायतको सहभागिता रहेको छ । बिहिवार सोही नगरपालिकाको वडा न . १ र २ मा घरदैलो कार्यक्रम सम्पन्न गरेको थियो । शुक्रबार बिहान वडा न . ३ मा घरदैलो कार्यक्रम सम्पन्न गरी दिउँसो वडा न . ४ मा एक औपचारिक कार्यक्रम गरेको नेपाली कांग्रेस निवर्तमान जिल्ला कार्यसमिति सदस्य धन बहादुर रावतले जानकारी दिएका छन् । सनिवार बुढिगंगा नगरपालिकामा चुनावी घरदैलो कार्यक्रम सुरु गरिने पनि बताइएको छ ।
बाजुरा जिल्लाको बिकास, समृद्ध बाजुरा सुखी बाजुरेली वासी बनाउन र सिङ्गो देशलाई समृद्धिको सतमार्गमा दोहोर्‍याउनका लागी गठबन्धन सरकारको आवश्यक रहेको कार्यक्रममा बोल्ने अधिकांस वक्ताहरुले जोड दिएका थिए । प्रतिगामी शक्तिहरुलाई प्रगास्त गरी देशलाई परिवर्तनको बाटोमा हिड्याउनका लागी गठबन्धनका उम्मेदवार जिताउन आवश्यक रहेको वक्ताहरुको भनाई रहेको थियोे । गठबन्धन गर्नु रहर नभैई बाध्यता भएको बताउदै नेताहरूले गठबन्धन दलहरू प्रति आस्थावान कुनै पनि नेता कार्यकर्ताले नहिच्किचाइकन गठबन्धनका उम्मेदवारलाई मतदान गर्न समेत नेताहरूले अपिल गरेका थिए ।

कतिपय कार्यक्रममा बोल्ने वक्ताहरूले आगामी मंसिर चार मा हुने प्रतिनिधि सभा र प्रदेश सभा निर्वाचनमा गणतन्त्रवादी र राजतन्त्रवादीहरु बिच भिडन्त हुने बताएका थिए । वक्ताहरूले गठबन्धनका विरुद्ध नेकपा एमाले संग तालमेल गरेका राजनीति दलहरूको समुह राजावादी रहेको आरोप समेत लगाएका थिए ।

कांग्रेसकाे किल्ला मानिने त्रीवेणी नगरपालिका गठबन्धनका उम्मेदवारलाई जिताउनका लागी प्रतिबद्ध रहेको कार्यक्रममा बोल्दै त्रीवेणी नगरपालिकाकी उपप्रमुख कमला जोशी नेउपानेले बताएकी छन् । यस्तै कार्यक्रममा बोल्दै महाधिवेशन प्रतिनिधि एवम् त्रीवेणी नगरपालिकाका नगर प्रमुख कर्ण बहादुर थापाले त्रीवेणी नगरपालिकाको तर्फबाट गठबन्धनका उम्मेदवारलाई भरपुर साथ रहने बिश्वास दिलाएका छन् । अहिलेको आवस्यकता भनेको गठबन्धनका उम्मेदवार जिताउनु रहेको हुँदा स्थानीय निर्वाचनमा जसरी आफुलाइ मतदान गरेर बिजयी गराएर जसरी आगामी मंसिर चारमा हुने निर्वाचनमा गठबन्धनका उम्मेदवारलाई मतदान गर्न अपिल समेत गरेका छन् । गठबन्धनलाई थप बलियो बनाउने कुरामा सवै एकिबद्ध हुनुपर्नेमा जोड दिदै नगर प्रमुख थापाले गठबन्धन टुक्रयाउने कसैले नगर्न आग्रह गरेका हुन् ।

नेपाली कांग्रेसका उम्मेदवारहरुले यतिवेला घरदैलो अभियानमा जनताका जनगुनासाहरु र सुझावहरु संकलन गर्नुका साथै वर्तमान समयमा गठबन्धनको औचित्य , गठबन्धनलाई मतदान किन गर्ने लगायत बिषयमा मतदातहरुलाई घरदैलोमै पुगेर सुझाइरहेको छ । घरदैलोमा पुगेर जनताका समस्याहरु पहिचान हुने र जनताका सुझाव संकलन गर्ने उदेश्यका साथ घरदैलो अभियान थालिएको र सोही क्रममा आफ्नो गृह पालिकामा पुगेको प्रदेश सभा ख का उम्मेदवार पदम शाहीले बताएका छन् । जनताका सुझाव संकलन गरेर जनताको सुझावका आधारमा सिङ्गो जिल्लाको बिकास र समृद्धि आफ्नो आगामी राजनीति एजेन्डा अगाडि बढाउने तयारी आफुहरुको रहेको नेपाली कांग्रेसबाट प्रतिनिधि सभामा समानुपातिकका उम्मेदवार पुर्व संविधान सभा सदस्य महा नेपालीले बताए । चुनावी घरदैलो अभियानका क्रममा मतदाताहरुबाट सकारात्मक प्रतिक्रिया आएको पनि नेता नेपालीको भनाई छ ।