बाजुरामा एक साता देखि लागातार बर्षा विभिन्न ठाउँमा क्षेती कहाँ के कती क्षेती भयो त ?

मिन बहादुर खड्का बाजुरा –जिल्लामा एक साता देखि लागातार बर्षा भइरहेको छ । कतिवेला पानि रोकिने कतिवेला भारी बर्षा हुने क्रम निरन्तर चलिरहेको छ । लगातारको बर्षाका कारण जनजिवन समेत प्रभावित भएको छ । लगातार बर्षा भएपछि जिल्लाका बिभिन्न ठाँउमा भौतिक रुपमा क्षेती पुर्याएको छ । बर्षाका कारण जिल्लाका बिभिन्न ठाँउका खोलाहरुको वहाव बढेको छ । यसै बिच खोलाहरुको वहाव बदेपछी आवतजावतमा समस्या हुनुका साथै जोखिम समेत बढेको छ ।

यस्तै जिल्ला स्थित पालिकाका बिभिन्न सडक खण्डरु समेत अबरुद्ध भएका छन् । मानिसहरुले सास्ति खेपेर पैदल यात्रा गर्नुपर्ने स्थिति सिर्जना भएको छ । प्राकृतिक प्रकोप बाढी पहिरोले क्षेती पुर्याउन सक्ने र दुर्घटना निम्तिन सक्ने भन्दै जिल्ला बासीलाई सर्तकता अपनाउन जिल्ला प्रशासन कार्यालय बाजुराले आग्रह समेत गरेको छ । जिल्ला प्रहरी कार्यालय बाजुराका अनुसार जिल्लाको खप्तड छेडेदह गाउँ पालिका वडा न १ काडामा रहेको काँडा भवानी माविमा पछाडिबाट पहिरो आउदा बिद्यालयको लाइब्रेरी भत्किदा ७४ हजार बराबरको क्षेती भएको छ । यस्तै सोही गाउँपालिकाको वडा न . ३ मा पनि स्थानीयको खेतीयोग्य जमिन लगायत करीव दर्जनौं घरहरूमा क्षेती भएको बताइएको छ ।

यस्तै जिल्लाको त्रीवेणी नगरपालिका वडा न ३ पुर्भुताका स्थानीय दल बहादुर साँउदको कच्ची घर पछाडीबाट पहिरो आई भत्किदा लत्ताकपडा भडाकुडा गरी कुल २ लाख ५० हजार बराबरको क्षेती भएको छ । यस्तै बुढिगंगा नगरपालिका वडा न . ८ रिठा बजारका भोज बहादुर थापाको घर पछाडी बाट पहिरो जादा क्षेती भएको घर समेत जोखिममा रहेको छ भने सोही नगरपालिकाको वडा न . ८ जोगी पुन्याराका स्थानीय सनु उखेडाको को घर पछाडी बाट पहिरो जादा घर पुर्ण रुपमा क्षेती हुनुका साथै जिल्लाका अधिकान्स ठाउँहरुमा भौतिक रुपमा क्षेती भएको सूचना जिल्ला प्रहरी कार्यालय बाजुरालाई प्राप्त भएको जिल्ला प्रहरी कार्यालय बाजुराका प्रहरी निरीक्षक रबिन्द्र कठायतले जानकारी दिए । जिल्लाका बिभिन्न ठाँउहरुका भौतिक रुपमा क्षेती भएको भएतापनि मानविय क्षेती भने नभएको प्रहरी निरीक्षक कठायतले बताएका छन् ।