पहिलोपटक बिजुली बाल्न पाए गौमुलको मल्दुगन र अन्द्राडीका स्थानीयले

राजेन्द्र बहादुर राेकाया,बाजुरा– गौमुल गाउँपालिका–२ मल्लोदुगन र गौमुल–१ अन्द्राडीका स्थानीयले पहिलोपटक बिजुली बाल्न पाएका छन् ।
जिल्लाकोे गौमुल गाउँपालिका–१ अन्द्राडीमा निर्माणाधीन अन्द्राडी लघु जलबिद्युत आयोजनाको निर्माण कार्य सम्पन्न भएसंगै त्यहाँका स्थानीय अँध्यारोबाट मुक्त भएका छन् ।

मल्लोदुगन र गौमुल–१ अन्द्राडी लगायत अम्लिस र माडी सम्मै बिद्युत संचालन गरीएको छ । उक्त पालिकामा करीब ९ करोडको लगानिमा १ सय किलोवाटको बिजुली उत्पादन भएको छ । बाजुराको गौमुल गाँउपालिका दुुर्गम गाउँका बासिन्दा बिजुली बाल्न सक्रिय भएसंगै स्थानीयले बिजुली बाल्न पाएका छन् ।
१ सय किलोवाट बिद्युत बाल्नका लागि गाउँपालिकाको सहकार्यमा कादुरी एग्रिकल्चर एण्ड एसोसियन ब्रिटिस गोर्खाज् नेपालले करिब ९ करोड खर्च गरेर काम शुरु गरेको परियोजनाले बिजुलि बाल्न सफल भएको परियोजनाका मेनेजर बालचन्द्र रानाले वताएका छन् ।
संस्थाको ८ करोड ५८ लाख ९३ हजार ६ सय ६५ रुपैया र गाउँलेको श्रमदान ३१ लाख ८६ हजार ९ सय गरि ८ करोड ९० लाख ८० हजार ५ सय ६५ को लगानिमा बिजुली बलेकोे बालचन्द्र रानाले वताएका छन् ।

उक्त परियोजना बाट गाउँपालिकाका ४ सय ८८ घरधुरीका ३ हजार १ सय ३६ जनाले सेवा पाएका छन् । परियोजनाले सामान खरिद गरेर हेलिकप्टर मार्फत ढुवानी गरेको थियो । बर्षौ देखी झरोको साहारामा उज्यालो बाल्दै आएका स्थानिय १ बर्ष भित्र गाँउ झिलिमिलि बनेपछि खुसि भएका छन् ।
कादुरी संस्थाद्धारा उपभोक्ता समितिलाई बिद्युत हस्तान्तरण
निर्माण कार्य सम्पन्न भएर बिजुली संचालनमा आएपछि कादुरी एग्रिकल्चरल एण्ड एसोसियन ब्रिटिस गोर्खाज् नेपालले उपभोक्ता समितिलाई बिहिबार एक कार्यक्रमका साथ बिद्युत हस्तान्तरण गरीएको हो ।

उपभोक्ता समितिका अध्यक्ष धनबहादुर बोहोराको अध्यक्षतामा संचालन भएको कार्यक्रममा गौमुल–३ का अध्यक्ष गोरख बोहरा २ का अध्यक्ष देबबहादुर रोकाया परियोजनाका मेनेजर बालचन्द्र राना गौमुल १ का वडा सदस्यहरु समितिका पदाधिकारीहरु र स्थानीयको सहभागिता रहेको थियो ।