त्रिबेणी ६ मा काँग्रेसको बृहत चुनावी आमसभा, काँग्रेस केन्द्रीय सह–महामन्त्री पाण्डेद्धारा सम्बोधन

बाजुरा– आसन्न स्थानीय तह निर्बाचन लक्षित गरी नेपाली काँग्रेस त्रिबेणी नगर कार्यसमितिद्धारा बृहत चुनावी आमसभा गरीएको छ ।

शनिबार काँग्रेस केन्द्रीय सह–महामन्त्री बद्री प्रशाद पाण्डेद्धाको सहभागितामा त्रिबेणी नगरपालिका ५ पन्त्रारामा चुनावी आमसभा सम्मपन्न गरिएको छ । नेपाली काँग्रेसको पकड रहेको त्रिवेणी नगरपालिकामा काँग्रेसका तर्फबाट नगर प्रमुख र उप–प्रमुखका उम्मेदवार सहितको सहभागितामा चुनावी सभा गरीएको थियो । काँग्रेसको किल्लाका रुपमा रहेको त्रिवेणी नगरपालिकामा काँग्रेस नेतृत्वको सरकार बनाउनका लागि पार्टीका नेता तथा कार्यकर्ता चुनावी मैदानमा हुमिएका छन् । गाउँमा मत माग्न गएका नगर प्रमुख र उप प्रमुख तथा वडाध्यक्ष सहितको टोलीलाई मतदाताले काँग्रेसप्रति उत्साह देखाएका छन् । काँग्रेस त्रिबेणी नगर कार्यसमितिका सभापति सुरेन्द्रराज गिरीको अध्यक्षतामा संचालन भएको कार्यक्रमको प्रमुख अतिथि काँग्रेस केन्द्रीय सह–महामन्त्री बद्री प्रशाद पाण्डे रहनुभएको थियो । कार्यक्रममा काँग्रेस बाजुराका सभापति रामसिंह रावल पूर्व सभापति मनबहादुर रावल, काँग्रेस सुदूरपश्चिम प्रदेश सदस्य रनसिं अयडी, काँग्रेस बाजुराका सचिव तिलक पुरी नगर प्रमुखका उम्मेदवार कर्णबहादुर थापा, उप प्रमुखका उम्मेदवार कमला जैशी (न्यौपाने) लगाएत नेता कार्यकर्ताको सहभागिता रहेको थियो ।