बुटवल उपमहानगरको मेयरमा काँग्रेसबाट खेलराज पाण्डेको नाम सिफारिस

  वैशाख,६-  नेपाली काँग्रेसले बुटवल उपमहानगरपालिकाको मेयर पदमा खेलराज पाण्डेलाई उम्मेदवार बनाउन सिफारिस गरेको छ । मेयरमा पाण्डेको नाम सर्वसम्मत रुपमा सिफारिस गरिएको भए पनि उपमेयरमा भने सहमति जुट्न नसक्दा उपमहानगर समितिले ८ जनाको नाम सिफारिस गरेको छ ।

उपमहानगर समितिको बैठकले मेयर–उपमेयरका लागि नाम सिफारिस गरेको सचिव छायाँ पोखरेलले जानकारी दिए । उनका अनुसार उपमेयरका लागि रिजन श्रेष्ठ, सावित्रा टण्डन, जमुना ढकाल, रिता सेन, रिता केसी, गंगा पन्थी, राधा ज्ञवाली र सविता शाक्यको नाम सिफारिस भएको छ ।

यस्तै सिद्धार्थनगर नगरपालिकाको प्रमुख (मेयर) पदमा काँग्रेसले इस्तियाक अहमद खानलाई उम्मेदवार बनाउने निर्णय गरेको छ । यद्यपि, यी पालिकामा सत्तारुढ गठबन्धनबीच तालमेलको टुङ्गो लाग्न बाँकी छ ।

यो समाचार आजको रातोपाटिमा छ ।