जेलेन्स्कीको दाबी : युक्रेनमात्रै होइन रुसको निशानमा पूरा युरोप

  चैत्र,२७-  युक्रेनका राष्ट्रपति वोलोदिमिर जेलेन्स्कीले रुसको निशानमा युक्रेनमात्रै नभई पूरा युरोप रहेको दाबी गरेका छन् ।

जेलेन्स्कीले शनिबार अबेर राती आफ्नो सम्बोधनमा रुसको आक्रामकता युक्रेनसम्म मात्रै सिमित नभई पूरा युरोप उसको निशानामा भएको बताएका छन् ।

जेलेन्स्कीले यतिबेला पश्चिमी देशसँग रुसको ऊर्जा उत्पादनमा पूर्ण रुपमा प्रतिबन्ध लगाइदिन भनेका छन् । साथै युक्रेनलाई अतिरिक्त हतियारको आपूर्ति गर्न पनि माग गरेका छन् ।

उनले भनेका छन्, ‘रुसले बल प्रयोग गर्नु एउटा यस्तो विध्वंश हो जसले अन्ततः सबैलाई प्रभावित गर्नेछ ।’ रुसको सेना युक्रेनको पूर्वी हिस्सामा जुटेको विषयमा जेलेन्स्कीले युक्रेन कठिनतम लडाईंका लागि तयार भएको बताएको छ ।

उनले भने, ‘यो मुश्किल लडाईं हुनेछ । हामीलाई आफ्नो जीतमाथि विश्वास छ । हामी लड्नुका साथै कुटनीतिक माध्यमबाट पनि यो युद्धलाई रोक्नका लागि तयार छौँ ।’

अर्कोतर्फ, युक्रेनका प्रमुख वार्ताकार मिखाइलो पोडोल्याकले पूर्वी तर्फको युद्धमा रुस पराजित नभएसम्म राष्ट्रपति जेलेन्स्कीले रुसी राष्ट्रपति भ्लादिमिर पुटिनसँग भेट नगर्ने बताएका छन् ।

यो समाचार आजको रातोपाटिमा छ ।