एचआइभी संक्रमित महिलाद्वारा नाबालिग भतिजोमाथि यौन शोषणको आरोप

चैत्र,२३- भारतको उत्तराखण्डको उधम सिंह नगरमा २३ वर्षीया महिला माथि १५ वर्षका भतिजाको यौन शोषण गरेको मुद्दा दर्ता भएको छ ।

अभियुक्त महिला एचआइभीद्वारा संक्रमित छिन् । उनका श्रीमानको मृत्यु अघिल्लो वर्ष डिसेम्बरमा एचआइभी संक्रमणका कारण भएको थियो । बच्चाको एचआइभी रिपोर्ट नेगेटिभ आएको छ ।

नाबालिग बच्चाका आमा–बुवाको उजुरीमा रुद्रपुरको ट्रान्जिट क्याम्प थानामा मुद्दा दर्ता गरिएको छ ।

के थियो घटना ?

यो घटनाको अनुसन्धान गरिरहेकी सब इन्स्पेक्टर रिता चौहानले यसबारे विस्तृत रुपमा जानकारी दिएकी छिन् । उनका अनुसार अप्रिल २ तारिखमा नाबालिगका पिता थाना आएका थिए । उनी भन्छिन्, ‘उनले उनको छोरामाथि काकीले जबर्जस्ती शारीरिक सम्बन्ध स्थापित गरेको बताए । ती महिलाले यसबारे कसैलाई भनेको खण्डमा उल्टै आफूमाथि जबर्जस्ती गरेको आरोप लगाउने चेतावनी पनि दिइरहेको उनका पिताले बताए ।’

मार्च ३० तारिखमा अभियुक्त महिलाले बच्चालाई ब्ल्याकमेल गरिरहेकी थिइन् । त्यतिबेला उन

की आमाले यो कुरा सुनेपछि ती नाबालिगले सबै कुरा बताएका हुन् ।

अभियुक्त महिला हाल न्यायिक हिरासतमा छिन् ।

पीडित नाबालिगका पिता भन्छन्, ‘अभियुक्त महिला पिलिभितमा आफ्नी सासु र नन्दसँग बस्थिन् । होलीका बेला उनी आफ्नो परिवारसँग गाउँ गएका थिए । जब उनले ती नाबालिगसँग पहिलो पटक शारीरिक सम्बन्ध स्थापित गरिन्, त्यतिबेला यसमा आफ्नो सहमति नभएको ती नाबालिगले बताए । यसमा अस्वीकार गर्दा काकीले उनीमाथि जबर्जस्ती गरेको आरोप लगाउने र बेइज्जत गर्ने धम्की दिइन् ।’

पिताका अनुसार ३० मार्चमा आरोपी महिला रुद्रपुर आएकी थिइन् । त्यहाँ पनि उनले नाबालिगसँग जबर्जस्ती यौन सम्बन्ध स्थापित गरिन् । जब उनले नाबालिगलाई गाली गरिरहेकी थिइन् तब ती बालकका आमाले उनीहरुको कुराकानी सुनिन् ।

उनी भन्छन्, ‘मेरो भाइको मृत्यु २ डिसेम्बर सन् २०२१ मा भएको थियो । उनको विवाह भएको पाँच वर्ष बितिसकेको थियो । विवाहको ६ महिनापछि नै उनको स्वास्थ्य बिग्रन थाल्यो । परीक्षणपछि थाहा भयो कि उनी एचआइभीद्वारा ग्रसित थिए । त्यसपछि उनकी श्रीमतीको पनि परीक्षण गरियो । उनी पनि एचआइभीद्वारा संक्रमित भेटिइन् । आरोप महिलाको एचआईभी संक्रमणको उपचार चलिरहेको छ । एचआइभी संक्रमण श्रीमानमार्फत् श्रीमतीमा सर्यो वा श्रीमतीमार्फत् श्रीमानमा सर्यो, त्यो भने स्पष्ट हुन सकेको छैन ।’

उनी भन्छन्, ‘उनले हामीलाई छोरालाई पाल्ने र गाउँमा नै पठाइदिन भन्थिन् । हामी यसका लागि तयार थियौँ पनि । मेरो छोराले ८ कक्षाको परीक्षा दिएको छ । हामीले उनलाई गाउँ पठाउनु अघि यो घटना पर्दाफास भयो । हामीले उसलाई गाउँ पठाएको भए के हालत हुन्थ्यो होला ?’

यद्यपि, छोराको एचआइभी रिपोर्ट नेगेटिभ आएपछि उनीहरु राहत महसुस गरिरहेका छन् र एक महिनापछि उनको पुनः स्वास्थ्य परीक्षण गर्नुपर्ने छ ।

यो समाचार आजको रातोपाटिमा छ ।