राणा अय्युबलाई विदेश यात्रा गर्न अनुमति

चैत्र,२१-  दिल्लीको उच्च अदालतले पत्रकार राणा अय्युबलाई विदेश यात्राको अनुमति दिएको छ ।

अय्युबलाई अघिल्लो मंगलबार प्रवर्तन निर्देशनालयले विमानस्थलमा रोकेको थियो । उनी मुम्बई अन्तरराष्ट्रिय विमानस्थलबाट लण्डन जाने तयारीमा थिइन् ।

इडीको तर्फबाट रोकिएपछि अय्युबले दिल्ली उच्च अदालतमा याचिका दर्ता गरेकी थिइन् । उच्च अदालतले अब उनको याचिका स्वीकार गरेर उनलाई विदेश जान अनुमति दिएको छ ।

राणा अय्युबविरुद्ध जारी लुकआउट सर्कुलरलाई मध्यनजर गर्दै इडीले उनलाई मुम्बई अन्तर्राष्ट्रिय विमानस्थलमा रोकेको थियो । इडीले त्यहाँ उनलाई सोधपुछ गरेर उनलाई अनुसन्धानमा समावेश हुन भनेको थियो ।

गुजरात फाइल्स लेख्ने पत्रकार राना अय्युबलाई विदेश जान रोकियो
विदेश जान रोकेपछि गुजरात फाइल्सकी लेखिकाले उच्च अदालतमा दिइन् चुनौती

इडीले यो वर्षको सुरुवातमा राणाको खातामा जम्मा भएको १.७७ करोड भारुको राशि अस्थायी रुपमा जफत गरेको थियो ।

इडीका अनुसार अय्युबबले कोभिड, बाढी पीडितका लागि राहत र प्रवासी मजदुरका लागि तीन अभियान सुरु गरेर मानिससँग आर्थिक सहयोगको माग गरेकी थिइन् । उनलाई विदेशबाट पनि आर्थिक सहयोग आएको बताइएको छ ।

अय्युबमाथि सहयोग रकममध्ये ५० लाख भारुलाई एफडी गराएको पनि आरोप छ । यसको अनुसन्धानका लागि इडीले उनीमाथि सोधपुछ गरिरहेको छ ।

यो समाचार आजको रातोपाटिमा छ ।