सांघाईमा २.६ करोड बासिन्दाको कोरोना परीक्षण गरिँदै, सेनाले समेत पठायो डाक्टर

चैत्र,२१-  चीनले संघाईका २.६ करोड बासिन्दाहरूको लागि कोभिड–१९ मा परीक्षणमा सहयोग गर्न सेना र हजारौँ स्वास्थ्यकर्मीहरूलाई पठाएको छ । सोमबार त्यहाँका बासिन्दाहरूलाई उनीहरूको आवास कम्पाउन्डहरूमा न्यूक्लिक एसिड परीक्षणको लागि बिहान सबेरै उठ्न भनिएको थियो ।

जनमुक्ति सेना (पीएलए) ले आइतबार सेना, नौसेना र संयुक्त सहयोगी बलहरूबाट भर्ती गरिएका २,००० भन्दा बढी स्वास्थ्यकर्मीहरूलाई सांघाईमा पठाएको छ। धेरै प्रान्तहरू जस्तै जियाङ्सु, झेजियाङ र बेइजिङबाट पनि स्वास्थ्यकर्मीहरूलाई सांघाईमा पठाइएको छ । मिडिया रिपोर्टहरूका अनुसार उनीहरूको कूल कुल सङ्ख्या १०,००० भन्दा बढी रहेको छ।

गत सोमबारबाट दुई चरणको लकडाउन सुरु गरिएको सांघाईमा अप्रिल 3 मा ८ हजार ५८१ एसिम्प्टोमेटिक कोभिड केसहरू र ४२५ लक्षणसहितका केसहरू रिपोर्ट गरिएको छ ।

यो समाचार आजको रातोपाटिमा छ ।