‘वैशाख ३० गतेको चुनाव मात्र होईन, हाम्रो समाज र हाम्रा युवाको भविष्य कोर्ने सुनौँलो अवसर हो”

 राजेश पाण्डे, बाजुरा– विकासको फट्को मार्न कुशल नेतृत्वको खाँचो
समाज परिवर्तन गर्ने जिम्मा नेतृत्वको हातमा हुन्छ । जब सम्म समाजले कुशल नेतृत्व पाउँदैन त्यतिबेला सम्म हाम्रो समाज समृद्धिको दिशा तिर लम्किने छैन । हामीले कुशल नेतृत्वलाई मैदानमा नउतारे सम्म समाजका आवश्यकता र युवाको भविष्य उज्वल हुन सक्दैन । जसरी वितेका पाँच वर्षमा हरेक समस्या भोगौँ र सयौँ अब त्यसको निवारण गर्न खुबी भएको कुशल नेतृत्वको आवश्यकत छ । आजको आवश्यकता लाई नियाल्दै भविष्यको बाटो निमार्ण गर्ने सक्षम व्यक्तिको खाँचो छ ।
वैशाख ३० गतेको चुनाव मात्र होईन यो चुनाव युवाको भविष्य हो, हामी र हाम्रो समाजको भविष्य कोर्ने सुनौँलो अवसर हो । हामी मतदाता भोट हाल्ने औजार नभई सचेत नागरिक पनि बन्नु पर्छ । स्थानीय तह नजिकको सरकार भएकाले जनताका समस्या बुझ्ने र समाधान गर्ने खुबी भएको असल नेतृत्वको हातमा सुम्पिने जिम्मा हामी मतदाताको हो ।
जब सम्म हामीले गरिब, असाय, निमुखा जनता र विभिन्न अपहेलित वर्गको पिडा सुन्ने, बुझ्ने र समाधान गर्ने व्यक्तिलाई छनोट नगरे सम्म हाम्रो समाजका विभिन्न वर्गको अनुहार फेरिने छैन र समस्याको बीउ रहिरहने छ । यो चुनाव पाँच वर्षको लागि भए पनि हामी र हाम्रो समाजको लागि दशौँ वर्ष हो । खराब र भ्रष्ट्रचारी व्यक्ति कुर्चिमा पुगेको अवस्थामा हामी नागरिकले हरेक समस्या खेप्नु पर्छ । यस्ता व्यक्तिहरुले हाम्रो पसिना र रगत बगाएर तिरेर संकलन भएको देशको अर्थतन्त्रमा रमाउन बाहेक केही हुने वाल छैन ।
पार्टीले पनि समाजको विकास गर्न सक्ने, जनताको मन जित्न सक्ने कुशल व्यक्तिलाई टिकत दिनु पर्छ । मतदाताले पनि पैसामा आफ्नो स्वाभिमान नबेचेर समाजलाई सहि बाटोमा हिडाल्ने व्यक्तिलाई चुन्नु पर्छ ।
काम नगर्ने यो गछु त्यो गर्छु भन्दै भाषण गर्ने र जनताको दुःख नबुझ्ने चुनावको बेला मात्र गाँउ घरमा अनहार ल्याएर फर्किएका जनता भुल्याउने भाषण बाट मक्ख नरौँ । हामी, हाम्रो समाज र हाम्रो पुस्तालाई विकासवादी, असल एवम् इमान्दारी नेतृत्व चाहिएको छ । अब, हाम्रा युवा परिवार पाल्न खाडी मुलुख जान नपरोस्, हरेक नारिकले शिक्षा, स्वास्थ्य, इन्टरनेट एवम् आधारभुत आवश्कता बाट बन्चित हुन नपहोस् । बजेटको सहि सदुपयोग गरी आधारभुत अवश्यकता तथा भौतिक संरचनाको दिगो विकास हुनुपर्छ ।
अतिरिक्त प्रचुअल सम्भावना देखिएका सक्षम, इमान्दारी र समाजलाई सुदृढिकरण गर्न सक्ने व्यक्तिलाई चुन्ने अधिकार मतदाताको हो । आउने वैशाख ३० को निर्वाचनमा विवेकको प्रयोग गरी अहिलेको आवश्यकता र विकासको स्मार्ट तरीकाले खाका कोर्ने खुबी भएका सक्षम, समाजलाई परिवर्तन गर्न चाहने, योजना बनाएका, सबै वर्गलाई समान टृष्टिले हेर्ने असल र योग्य व्यक्तिलाई मात्र विजय गरौँ ।
सबै मतदाताले विचार र विवेकको प्रयोग गरी अहिलेको आवश्यकता अनुसारको व्यक्तिलाई मात्र आफ्नो मतको सदुपयोग गरौँ । योजना भएको, समाजलाई सुदृढिकरण गर्न चााहेको, नागरिकका समस्या बुझ्ने व्यक्ति विजय भएन भने हाम्रो समाज र हामी नागरिकको अवस्था फेरिने छैन । त्यस पछि पछुताउनु बाहेक केहि रहने छैन । अब बाकि रहेको दिनमा कस्ता व्यक्तिलाई विजय गर्ने रु भन्ने बहस सुरु गरौँ र नबुझेका नागरिकलाई बुझौँ ।