बाजुरामा पेट दुखेर एक जना १५ वर्षिया किशोरीको मृत्यु

सर्मिला रोकाया/ बाजुरा- बाजुराको स्वामीकार्तिक खापर गाउँपालिका वडा एक मुक्तिकोट बाइसे निवासी एक किशोरीको मृत्यु भएको छ । हिजो राती करिब साढे ८ बजे तिर धनसिंह विककी छोरी अस्पुरा विकको पेट दुखेर मृत्यु भएको हो । मण्डाल्नी आधारभुत विद्यालय खोलीकोटमा कक्षा सातमा अध्ययनरत विकको हिजो राती एक्कासी पेट दुखेर मृत्यु भएको मामा नविन विकले जानकारी दिनुभएको छ । दिनभरी मेलामा घाँस काटेर साँझ पख घर फर्किएकी विकको एक्कासी पेट दुखेर मृत्यु भएको उहाँले बताउनुभएको छ । १५ वर्षिया विक एक्कासी पेट दुखेर विरामी भए पछि उपचारका लागि स्वास्थ्यकर्मी बोलाएको र स्वास्थ्य कर्मी नपुग्दै उहाँको मृत्यु भएको आफन्तले बताएका छन ।