बुटवलमा ९ करोडको लागतमा खानेपानी ओभरहेड ट्याङ्की शिलान्यास

चैत्र,१४- बुटवलको मैनाबगरमा एक हजार जनालाई पुग्ने खानेपानी ओभरहेड ट्याङ्कीको शिलान्यास गरिएको छ । बुटवल उपमहानगरपालिका र लुम्बिनी प्रदेश सरकारको करिब ९ करोड लगानीमा मैनाबगरको अटो भिलेजमा खानेपानी ओभरहेड ट्याङ्की गरिएको हो ।

लुम्बिनी प्रदेश राष्ट्रिय योजना आयोगका उपाध्यक्ष वामदेव क्षेत्रीले योजनाको शिलान्यास गर्दै व्यवसायीलाई स्वामित्व हस्तान्तरण गर्न सके उनीहरुले अपनत्व महसुस गर्ने बताए । उनले उक्त क्षेत्रमा निर्माण हुन लागेको करिडरले अटो क्षेत्र प्रभावित नहुने गरि विकल्पका बारे छलफल गर्न जरुरी रहेको समेत उपाध्यक्ष क्षेत्रीले बताए ।

कार्यक्रममा बुटवल अटो इन्जिनियरिङ एशोसियसनका अध्यक्ष तुल्सीराम न्यौपानेले खानेपानी आयोजना सम्पन्न भएपछि मैनाबगर अटो भिलेज र यस आसपासका हजार घर परिवार लाभान्वित हुने बताए ।

यो समाचार आजको रातोपाटिमा छ ।