बाजुरामा म्यादी प्रहरीमा भर्ना हुनका लागि १ हजार बढीको आवेदन

सर्मिला रोकाया/ बाजुरा- बाजुरामा म्यादी प्रहरीमा भर्ना हुनका लागि १ हजार ६ सय ४७ जनाले आवेदन दिएका छन् । हिजो सम्म तोकिएको भर्ना समयमा ४ सय ४९ जना महिला र १ हजार १ सय ९८ जना पुरुषले म्यादी प्रहरीमा भर्ना हुनका लागि आवेदन दिएका हुन । बाजुरामा आवेदन दिएका मध्यबाट ६ सय ६८ जनालाई छनोट गरिने जिल्ला प्रहरी कार्यालय बाजुराका सुचना अधिकारी धनदेव साउँदले खप्तड मालिका न्युजलाई जानकारी दिनुभयो । आवेदन भरेकाहरुलाई चैत १३ गते सम्पर्क मिति तोकिएको छ भने चैत्र १५ गतेबाट छनोट प्रक्रिया सुरु हुने उहाँले बताउनुभएको छ । स्थानीय तहको निर्वाचन सुरक्षाका लागि म्यादी प्रहरी भर्ना हुन इच्छुकका लागि चैत्र ११ गते सम्मको म्याद राखिएको थियो । छनौट भएकाहरुलाई एक हप्ताको तालिम दिएर चुनावी सुरक्षाका लागि खटाइने जिल्ला प्रहरी कार्यालय बाजुराले जनाएको छ ।