सशस्त्र प्रहरी बल नेपालको आयोजनामा निशुल्क स्वास्थ्य शिबिर हुदै :महान्यायाधिवक्ता खातीद्वारा उद्घाटन गरिने

बाजुरा- बाजुराको बुढिगङ्गा नगरपालिकामा चैत्र ११-१३ गते सम्म निशुल्क स्वास्थ्य शिबिर सन्चालन हुने भएको छ । सशस्त्र प्रहरी बल नेपालको आयोजना र महान्यायाधिवक्ताको कार्यलय रामशाह पथ को आर्थिक सहयोगमा उक्त शिबिर सन्चालन गर्न लागिएको हो । उक्त शिबिरमा दुई हजार भन्दा बढीले सेवा लिन सक्ने अनुमान समेत गरिएको आयोजक नेपाल ए पि एफ अस्पताल बलम्बुले जनाएको छ ।
उक्त शिबिरमा हाड जोर्नि तथा नसा रोग विशेषज्ञ , स्त्रीरोग विशेषज्ञ आखा रोग सम्बन्धि सेवा नाक,कान, घाँटी रोग विशेषज्ञ छाला रोग विशेषज्ञ बालरोग विशेषज्ञ नि: शुल्क अल्ट्रासाउन्ड सेवा नि:शुल्क अौषधि वितरण सेवा नि:शुल्क एक्स-रे सेवा नि:शुल्क ई.सि.जि सेवा लगायतका सेवाहरु दिने भएको छ । उक्त शिबरको उद्घाटन महान्यायाधिवक्ता माननीय खम्म बहादुर खातीले गर्नुहुनेछ । खाती महान्यायाधिवक्ता नियुक्त भएपछि पहिलो पटक गृह जिल्ला आउदै हुनुहुन्छ ।