नगर प्रमुख रावलद्धारा त्रिवेणी–३ को वडा कार्यालय उद्धाटन

बाजुरा– जिल्लाको त्रिवेणी नगरपालिका वडा नंम्बर ३ को वडा कार्यालयको उद्धाटन गरीएको छ । उक्त कार्यालयको उद्धाटन त्रिवेणी नगरपालिकाका नगर प्रमुख रामसिंह रावलले गरेका हुन् । २५ लाखको लगानीमा पाँच कोठे भवन निर्माण कार्य सम्पन्न भई बुधबार उद्धाटन गरीएको त्रिवेणी नगरपनलिका–३ का वडाध्यक्ष मिन भण्डारीले बताए । वडा कार्यालयको आफ्नै भवन निर्माण पछि जनताको काम गर्न सजिलो हुने त्रिवेणी नगरपालिका–३ का वडाध्यक्ष मिन भण्डारीको भनाई छ । आजदेखि वडाको आफ्नै भवनबाट सेवा दिदा खुसि महशुस भएको बताए । त्रिवेणी नगरपालिका–३ का वडाध्यक्ष मिन भण्डारीको अध्यक्षतामा संचालन भएको कार्यक्रमको प्रमुख अतिथी त्रिवेणी नगरपालिकाका नगर प्रमुख रामसिंह रावल रहेका थिए । कार्यक्रममा त्रिवेणी नगरपालिका नगर उप–प्रमुख राधिका देबी शुनार वडा सदस्य लगायत स्थानिहरुको सहभागिता रहेको थियो ।