एउटा किड्नी बेचे केही हुँदैन उल्टै ८ लाख पाउँछ भनेर ठग्ने व्यक्ति पक्राउ

काठमाडौंः मानव बेचबिखन तथा ओसार पसार उद्योग कसूरमा संलग्न ब्यक्ति पक्राउ परेका छन्। तपाईंहरुको आर्थिक अवस्था कमजोर छ, मानवशरीरमा २वटा मृगौलाहरु हुन्छन्। एउटा मृगौला झिक्दा खासै फरक पर्दैन बरू आठ लाख रुपैयाँ पनि पाईन्छ भन्दै ललाई फकाई, आर्थिक प्रलोभन देखाई केही व्यक्तिहरुलाई मृगौला झिक्नको लागि भारत लैजाने प्रयोजनार्थ माछापोखरीस्थित एक होटलमा राखेका २ जनाको पनि उद्धार गरेको प्रहरीले जनाएको छ।

सोही काममा संल्गन मकवानपुरको हेटौडा उपमहानगरपालिका ४ घर भई हाल काठमाडौं महानगरपालिका(४ बस्दै आएका ३९ वर्षिय मोति लामालाई गत सोमबार पक्राउ गरी मानब बेचबिखन तथा ओसारपसार उद्योग कसूर मुद्धामा काठमाण्डौ जिल्ला अदालतबाट ७ दिनको म्याद थप गरी अनुसन्धान भईरहेको प्रहरीले जनाएको छ।

यो समाचार आजको दिनेश खबरमा छ ।