मानवीय सेवामा अनेकौ प्रयास संस्थाद्धारा बडीमालिकाका पाँच सय पचास किशोरीलाई सेनेटरी प्याड वितरण

बाजुरा– मानवीय सेवामा अनेकौ प्रयास कैलालीको सहयोगमा बडीमालिका नगरपालिकाका पाँच सय पचास किशोरीलाई सेनेटरी प्याड बितरण गरेको छ । बडीमालिका नगरपालिकाको समन्वयमा संस्थाले नगरपालिकाका दुई वडामा पाँच सय पचास किशोरीलाई सेनेटरी प्याड सहित स्वास्थ्य सुरक्षा र सरसफाई सामग्री बितरण गरीएको मानविय सेवामा अनेकौँ प्रयास संस्थाका अध्यक्ष भक्तराज जोशीले बताउनुभयो ।
बडीमालिका नगरपालिका ८ का चार सय किशोरीलाई सेनेटरी प्याड ४ सय,साबुन ४ सय, स्याम्फु ४ सय ,नङकटर ४ सय, ब्रस ४ सय,पेप्ट ४ सय, अन्डर गाम्रेन्ट ४ सय थान लगाएत करिव ७ लाख बराबरको साम्रगि वितरण गरेको संस्थाका अध्यक्ष जोशीले बताउनुएको छ ।
त्यस्तै बडीमालिका नगरपालिकाको–२ भौनेराका एक सय पचास जना महिनावारी हुने किशोरीलाई सेनेटरी प्याड सहित अन्य स्वास्थ्य सरसफाइका सामग्री सहयोग गरेको बडीमालिका नगरपालिकाका उप प्रमुख कविता विष्टले बताउनुभयो ।
महिनावारी भएका किशोरीहरुलाई नियमित रुपमा विद्यालय जान सहजताका लागि सेनेटरी र स्वास्थ्य सरसफाईका सामग्री वितरण गरिएको नगर उप–प्रमुख विष्टले बताइन् ।

बडीमालिका नगरपालिकाको समन्वय र मानवीय सेवामा अनेकौ प्रयास कैलालीको सहयोगमा नगरपालिकाका दुई वडाका महिनावारी हुने किशोरी तथा महिलालाई सेनेटरी प्याड वितरण गरिएको हो ।
अध्यक्ष जोशीका अनुसार छाउपडी कु–प्रथा अन्त्य गर्नका लागि महिलाहरु सुरक्षित रुपमा रगत बग्न रोक्न र छाउको प्रथा हटाउने गरी संस्थाले नगरपालिकाका–२ र ८ वडाका पाँच सय पचास किशोरी र महिलालाई सेनेटरी प्याड, र अन्य सामग्री वितरण गरेको छ ।
किशोरी तथा महिलाहरुले छाउ भएका बेला भोग्दै आएका समस्यालाई मध्येनजर गर्दै उनीहरुलाई सुरक्षित घरमा बसाउन,पोषिलो खानेकुरा दिनका लागि छाउपडी प्रथा अन्त्य गर्न सचेतना फैलाउने उद्देश्यका साथ उक्त सामग्री वितरण गरिएको हो ।

मानवीय सेवामा अनेकौं प्रयास (साइन) नेपाल धनगढीले बिहीबार बुढीगंगा नगरपालिका–७ र ८ वडाका किशोरीहरुलाई पनि सेनेटरी प्याड सहित सरसफाईका सामग्री वितरण गर्ने भएको छ ।
साइन नेपाल कैलालीका अध्यक्ष भक्तराज जोशीको अध्यक्षतामा संचालन भएको कार्यक्रमको प्रमुख अतिथी बडीमालिका नगरपालिकाका नगर उप– प्रमुख कविता विष्ट रहनुभएको थियो ।

कार्यक्रममा बडीमालिका नगरपालिका–२ का वडाध्यक्ष डम्बर महत,साइन नेपाल कैलालीका कोषाध्यक्ष मेघराज भट्ट, वरिष्ठ देउडा गायक भोजराज भट्ट विशिष्ट अतिथी रहेका थिए । साइन नेपालका कोषाध्यक्ष मेघराज भट्ट ले कार्यक्रमको उद्द्ेश्य र महिनाबारी स्वच्छता र सचेतना विषयमा प्रष्ट पार्नुभएको थियो ।
संस्थाले जिल्लामा यस अघि पनि धेरै ठाउँमा सहयोग गरेको छ ।