यस्तो छ अजय देवगनको ‘रूद्र’ को नयाँ ट्रेलर

बलिउड अभिनेता अजय देवगनको मुख्य भूमिका रहेको सिरिजको नयाँ ‘रुद्रः द एज अफ डार्कनेस’ को ट्रेलर सार्वजनिक भएको छ।

यो सिरिज डिज्ने प्लस हटस्टारको हो। अजय योसँगै पहिलोपटक डिजिटल प्लेटफर्मको सिरिजमा देखा पर्दैछन्।

सिरिजमा उनी डिसिपी रुद्रवीर सिंहको भूमिकामा छन्।सिरिजमा अजयबाहेक इशा देवल, अतुल कुलकर्णी, अश्विनी काल्सेकर, राशी खन्ना, सत्यदीप मिश्र र तरूण गलहोटको पनि मुख्य भूमिका छ।

रुद्रः द एज अफ डार्कनेस बेलायती सिरिज ‘लुथर’ को हिन्दी रिमेक हो।

छ भागमा आउने यो सिरिज समीर नायरले निर्माण गरेका हुन्। यही वर्ष सार्वजनिक हुने रुद्रः द एज अफ डार्कनेसको यो पहिलो सिजन हुनेछ।