धनगढीमा आयुर्वेदीक औषधालय भत्काइदै

धनगढीः धनगढीमा शाही आयुर्वेदीक औषधालय भत्काउन थालिएको छ। धनगढी उपमहानगरपालिका -१ स्थित एलएनचोकमा रहेको शाही आयुर्वेदीक औषधालय भत्काउन लागिएको हो।

प्रहरी प्रशासन, उद्योग वाणिज्य संघ, उपमहानगरपालिका तथा एलएनचोकमा अवस्थित लक्ष्मी नारायण मन्दिर व्यवस्थापन समितिले उक्त औषधालय भत्काउन लागेको हो। मन्दिर क्षेत्रमा निजी सटर (घर) बनाएर व्यवसाय सन्चालन गरेको भन्दै उक्त औषधालय भत्काउन लागिएको समितिले जनाएको छ। उक्त औषधालय मन्दिरको जग्गामा परेको समितिको दाबी छ।

तर, यता औषधालय संचालक बिनिता शाहीले भने जर्वरजस्ती हटाउन खोजिएको बताएकी छन्। उनले आफूले ४ गते हटाउँछु भनेको तर एकाएक प्रहरी ल्याएर भत्काउन खोजिएको बताएकी छन्। खबरै नगरी सटर भत्काउन लागेको उनको दाबी छ। शाही एकल महिला हुन्। मन्दिर छेउमा सटर खोलेर उनले व्यवसाय सन्चालन गर्दै आएकी थिइन्।