मोरिससविरुद्धको खेल नयाँ अनुभव हुनेछ : कप्तान किरण

१४ माघ, काठमाडौं । राष्ट्रिय फुटबल टिमका कप्तान किरण चेम्जोङले मोरिससविरुद्धको खेल नयाँ अनुभव हुने बताएका छन् । नेपालका लागि अफ्रिकन राष्ट्रविरुद्ध पहिलो खेल हुनेछ । पहिलो पटक मोरिससविरुद्ध शनिबार पहिलो खेल खेल्दैछ ।

कप्तान किरणले भने,’भर्खर मात्र टिम जाेईन गरेकाे दुई दिन भयाे । खेलाडी ब्रेकमा नेशनल टिममा आउनुभाछ । सबै खेलाडी फिट देखेकाे छु । दुई दिन ट्रेनिङ राम्राे भयाे । मैत्रीपूर्ण हाे, तर जे पनि गर्न मिल्दैन रिजल्टकाे अपेक्षा हुन्छ । जितकै लागि खेल्छाैँ । केही कुरा सिक्ने र अनुभव बटुल्ने अवसर हाे । भाेलिका लागि खेलमा तयार छाैँ। ‘

नेपाली राष्ट्रिय फुटबल टिमका सहायक प्रशिक्षक किरण श्रेष्ठले माेरिससविरुद्ध हुने मैत्रीपूर्ण खेल एसिया कप छनाेटकाे तयारीकाे रुपमा बताएका छन् ।

नेपालले माेरिससँग पहिलाे पटक दुई अन्तर्राष्ट्रिय मैत्रीपूर्ण खेल खेल्दैछ । त्यसका लागि शुक्रबार भएकाे प्रिम्याच कन्फ्रेन्समा उपस्थित भएका प्रशिक्षक किरण श्रेष्ठले माेरिससविरुद्धकाे खेलमा सुधारिएकाे प्रदर्शन गर्ने बताए ।

उनले भने,’माेरिसस र नेपाल उस्तै लेभलकाे टिम हो । वरियता उस्तै जस्ताे हाे । शारीरिक रुपमा अलि बलिया छन् । उही दाँजाेकाे टिम हाे ।’ मुख्य प्रशिक्षक अबदुल्ला अलमसताइरी भने प्रि म्याच कन्फ्रेन्समा उपस्थित भएनन् ।

माेरिससमा प्रशिक्षक टाेनी फ्राँस्वाले धेरैपछि अन्तर्राष्ट्रिय खेल खेल्न लागेकाे र ४५ दिनकाे मात्र तयारी रहेकाे बताउँदै नेपालविरुद्ध राम्राे प्रदर्शन गर्ने प्रयास गर्ने बताए ।