भालुको आक्रमणबाट एक महिला गम्भीर घाइते

बाजुरा– बाजुरामा भालुको आक्रमणबाट एक महिला घाइते भएकी छन् । घाइते हुनेमा जिल्लाको बुढीगंगा नगरपालिका–४ स्थित खोडालबाडाकी ४८ वर्षीया नन्दा रावत रहेकी छन् ।
रावत शनिबार विहान घर नजिकै भालुको आक्रमणबाट घाइते भएकी उनका छोरा राजेन्द्र रावतले जानकारी दिएका छन् ।
आक्रमणबाट टाउँ लगायत शरिरमा गहिरो चोट लागेको उनले बताए । उनलाई उपचारका लागि अछामकाे बयालपाटा  अस्पताल लगिएकी छन् ।