बडीमालिका नगर पालिकाको दशौं नगर सभाबाट पारीत निर्णय सार्वजनिक

बाजुरा– जिल्लाको बडीमालिका नगर पालिकाको दशौ नगर सभा बुधबार सम्मपन्न भएको छ । समृद्ध नगर खुशी नगरबासी भन्ने मुल नाराका साथ बडीमालिका नगर पालिकाको दशौं नगर सभा बुधबार भएको थियो । नगरसभामा बडीमालिका नगरमा विभिन्न विकासका योजनाहरू पारित गरीएको नगरपालिकाले जनाएको छ । नगर पालिकाले बुधबार सम्मपन्न दशौं नगर सभाबाट पारित निर्णयहरु बिहिबार बिहान पत्रकार सम्मेलन मार्फत जानकारी गरीएको हो । बडीमालिका नगर पालिकाको सभाहलमा संचालन भएको कार्यक्रममा गौरवका योजनाका बारेमा नगरले गरेको पहलका बिषयमा समेत जानकारी गराएको छ । नगर प्रमुख पदम बडुवालले गौरबका योजनामा बाजुराको मार्तडीमा बसपार्क निर्माणलाई सम्मपन्न गर्ने, बिमानस्थल निर्माणको पहल गर्ने निर्णय भएको बताएका छन् ।

सभामा पेश भएका विधयेकहरु स्थानीय स्वास्थ्य सेवा विधयेक, स्थानीय तथ्याकं तथा अभिलेख व्यवस्थापन विधेयक, स्थानीय पुर्वाधार विकास तथा व्यवस्थापन विधेयक, स्थानीय बजार व्यवस्थापन विधेयक, स्थानीय वन विधेयक, बडीमालिका नगरपालिकाको फोहरमैला व्यवस्थापन विधेयक, स्थानीय संस्था दर्ता, सार्वजनिक निजी साझेदारी सम्वन्धि विधेयक र खानेपानी, सरसफाई तथा स्वच्छता सम्वन्धि विधेयक २०७८ गरी १० वटा विधेयक पारित गर्दै दशौं नगरसभा सम्पन्न गरिएको पत्रकार सम्मेलन मार्फत जानकारी गराईएको छ ।
नगर सभामा नगर उपप्रमुख कविता विष्टले नवौं नगरसभा पश्चात नगरपालिकाबाट भएको खर्चको अनुमोदन गरेकी थिईन् । नगरप्रमुख पदम बडुवालको अध्यक्ष्तामा संचालन भएको दशौं नगरसभाका निर्णय सार्बजनिकिकरण नगर उपप्रमुख कविता विष्ट, निमित्त प्रमुख प्रशासकीय अधिकृत रंगमल विक बडीमालिका ८ का वडाध्यक्ष प्रकाश रावल जिल्ला स्थित संचार कर्मिहरुको सहभागिता रहेको थियो ।