बाजुराका सिडिओ गोपाल कुमार अधिकारीको सरुवा उपेन्द्र पौंडेल आउदै

बाजुरा– बाजुराका प्रमुख जिल्ला अधिकारी (सिडिओ) गोपाल कुमार अधिकारीको सरुवा भएको छ । अधिकारीको ठाउँमा इलाका प्रशासन कार्यालय बुटवलका प्रमुख उपेन्द्र पौडेल आउने भएका छन् ।
त्यस्तै सुदूरपश्चिमका अन्य दुई जिल्लाका प्रमुख जिल्ला अधिकारी (सिडिओ)को सरुवा गरेको छ । गृह मन्त्रालयले बाजुरा सहित बझाङ र दार्चुलाका प्रमुख जिल्ला अधिकारीको सरुवा गरेको हो ।
मकवानपुरका सहायक प्रमुख जिल्ला अधिकारी बाबुराम अर्याललाई बझाङको प्रमुख जिल्ला अधिकारीमा सरुवा गरिएको छ भने बाँकेका सहायक प्रमुख जिल्ला अधिकारी दिर्घराज उपाध्यायलाई दार्चुलाको प्रमुख जिल्ला अधिकारी बनाई पठाइएको छ । दार्चुलाका सिद्धराज जोशीलाई गृह मन्त्रालयमा तानिएको छ ।