काँग्रेस केन्द्रीय सदस्यको मतगणना आज नहुने

काँग्रेस केन्द्रीय सदस्यको मतगणना बिहीबारदेखि मात्रै सुरु हुने भएको छ । काँग्रेस केन्द्रीय निर्वाचन समितिका सदस्य एगराज पोखरेलले आज साँझदेखि पदाधिकारीतर्फको मतगणना सुरु हुने र केन्द्रीय सदस्यको चाहिँ भोलिदेखि मात्रै सुरु हुने जानकारी दिए ।

काँग्रेसको सभापतिसहितको पदाधिकारी र केन्द्रीय कमिटी चयनका लागि सोमबार राजधानीको भृकुटीमण्डपमा मतदान भएको थियो । बुधबार बिहान सम्पन्न मतगणनामा काँग्रेसको सभापतिमा भने शेरबहादुर देउवा विजयी भएका थिए ।