मार्तडीमा भएकाे जीप दुर्घटनामा घाईते भएका सह-चालककाे मृत्यु

बाजुरा १२ मंसिर / जय बहादुर रावत :- बाजुराकाे सदरमुकाम मार्तडीकाे कारागार नजिकैको डिलबाट आईतबार बिहान जिप दुर्घटनामा परेका सह-चालककाे मृत्यु भएकाे छ ।
जिप दुर्घटनामा परि मृत्यु हुनेमा बडीमालिका नगरपालिका वडा.नं १ का २४ वर्षीया भिम बहादुर दानी रहेका छन् ।
सदरमुकाम मार्तडीबाट जडाङ्गा तर्फ जाँदै गरेकाे से १ ज ९६० नम्बरको जिप आईतबार विहान साढे पांच बजे दुर्घटना भएकाे थियाे । जिपमा सवार सह-चालककाे टाउकाे, ढाडमा गम्भीर चाेट लागेकाे थियाे । उनकाे जिल्ला अस्पताल बाजुरामा उपचार सम्भव नभएपछि जिल्ला बाहिर थप उपचारका लागि लैजादै गर्दा डाेटीकाे पुर्विचाैकी गाउँ उपालिकाकाे सानागाउँ नजिकै मृत्यु भएकाे जिल्ला प्रहरी कार्यालय बाजुराले जनाएको छ ।
जीप सडक देखि करिब १ सय २० मिटर तल खसेको प्रहरीले जनाएको छ । जिप चालक त्रिवेणी ८ का वसन्त नाथ रहेका छन् उनलाई अहिले प्रहरीले नियन्त्रणमा लिएकाे जानकारी प्राप्त भएकाे छ  ।