धनगढीमा काँग्रेसको क्षेत्रीय समिति र महाधिवेशन प्रतिनिधि छान्न मतदान, ११९ जना चुनावी मैदानमा

धनगढी– कैलाली क्षेत्र नम्बर ५ मा नेपाली काँग्रेसको क्षेत्रीय समिति र महाधिवेशन प्रतिनिधि चयनका लागि मतदान भइरहेको छ। विहान ११ बजेदेखि सुरु भएको मतदान साँझ ५ बजेसम्म जारी रहने छ।
काँग्रेस कैलालीका प्रचारप्रसार समितिका संयोजक नृप सुनारका अनुसार दिउसो साढे २ बजेसम्म २५० मत खसेको छ। क्षेत्र नम्बर ५ मा ५३४ जना क्षेत्रीय प्रतिनिधि छन्।
सुनारका अनुसार क्षेत्रीय सभापतिमा इश्वरप्रसाद जोशी, भीम पडाल, सन्तोष मुडभरी, हरिप्रसाद रेग्मी र हिरासिंह पातली चुनावी मैदानमा छन्। दुई सचिव र दुई सहसचिवका लागि पनि ७र७ जना चुनावी मैदानमा छन्। क्षेत्रीय समिति र महाधिवेशन प्रतिनिधिका लागि ११९ जना चुनावी मैदानमा छन्।
जिल्ला कार्य समितिका लागि ५६ र २६ जना महाधिवेशन प्रतिनिधिका लागि ६३ जनाको उम्मेदवारी परेको छ। प्रदेशसभा सदस्य डिल्लीराज पन्त, वर्तमान सभापति नरनारायण शाह, धनगढी उपमहानगरपालिकाका मेयर नृपबहादुर वड, गणेशबहादुर देउवा, नारायणदत्त भट्ट, वर्तमान सचिव पूर्ण कुँवर, कृष्णबहादुर महरा, मनमोहन स्वाँर, हिक्मतबहादुर शाह, रुपबहादुर खड्का, मानबहादुर सिंह पनि खुलातर्फको महाधिवेशन प्रतिनिधिका लागि उम्मेदवार छन्।

यस्तै गौरीकुमारी लामा, बिनय लामा, जानकी जोशी, नरबहादुर बम, प्रेमराज जोशी, भीमबहादुर बलायर, गीता पन्त, दिव्यश्वरी शाह, सावित्री जोशी, सुशीला मिश्र भट्ट, फिरुराम राना, बाधुराम चौधरी, रामसमझ राना, विनय कुमार चौधरी, सन्तराम चौधरी, सरोज चौधरी, जिवन राना, दुर्गादेवी कुश्मी, सुनिता राना, टेकबहादुर रैका र मनिराम देवल पनि महाधिवेशन प्रतिनिधिका लागि उम्मेदवार छन्।

उद्धवबहादर विष्ट, उमीदप्रसाद बागचन्द, कमलराज जोशी, खडकविक्रम सिंह, चक्रबहादुर नेपाली, दलबहादुर भण्डारी, दीपबहादुर अधिकारी, प्रकाशबहादुर देउवा, प्रतापसिंह विष्ट, मानबहादुर विष्ट, रविनकान्त पन्त, रविन्द्र प्रताप सिंह, रामचन्द्र ओझा, रुपबहादुर खड्का, लक्ष्मीदत्त भट्ट, लोकबहादुर खड्का, वेदप्रकाश शर्मा, हरीश खड्का, हिक्मतबहादुर शाह, क्षितिज भण्डारी, उमाकुमारी गिरी, शारदा सुनाम, जागृती बोगटी, डम्मरी महरा, निपा चोखाल, पुष्पा भट्ट, मिना मल्ल, यमा शाही, रत्ना मल्ल, रिता भण्डारी, छत्रराज जोशी, धर्मराज ओझा र बब्लुकुमार चौधरी पनि महाधिवेशन प्रतिनिधिका लागि उम्मेदवार छन्।
दिनेश खबर