सुदूरपश्चिमका प्रदेश प्रमुख देवराज जोशीले लिए सपथ

धनगढीः– सुदूरपश्चिमका प्रदेश प्रमुखले बिहीबार सपथ लिएका छन्। राष्ट्रपति भवन शीतल निवासमा प्रदेश १, कर्णाली र सुदूरपश्चिमका प्रदेश प्रमुखहरुले सपथ लिएका हुन्। प्रदेश १ का पर्शुराम खापुङ, कर्णालीका तिलक परियार र सुदूरपश्चिमका देवराज जोशीले राष्ट्रपति विद्यादेवी भण्डारीबाट पद तथा गोपनियताको सपथ लिएका छन्।

मन्त्रिपरिषद् बैठकको सिफारिसमा राष्ट्रपति विद्यादेवी भण्डारीले कात्तिक २३ गते प्रदेश १ को प्रदेश प्रमुखमा खापुङ, कर्णाली प्रदेशको प्रदेश प्रमुखमा परियार र सुदूरपश्‍चिम प्रदेशको प्रदेश प्रमुखमा जोशीलाई नियुक्त गरेकी थिइन्।