बाजुराका प्रहरी प्रमुख महराको सरुवा ओझा आउदै

बाजुरा– जिल्ला प्रहरी कार्यालदय बाजुराका प्रहरी नायव उपरिक्षक मदनजीत महराको सरुवा भएको छ । प्रहरी प्रधान कार्यालयले ९५ जना नायव उपरीक्षक ९डीएसपी०को सरुवा गरेको छ । कार्यकाल पूरा गरेका महानगरीय प्रहरी वृत्तका इन्चार्ज, इलाका प्रहरी कार्यालयका प्रमुख र जिल्लाहरुमा रहेका प्रहरी प्रमुख डिएसपी हरुको सरुवा भएको हो ।
महरा जिल्ला प्रहरी कार्यालय बाजुराबाट केन्द्रीय अनुसन्धान कारबाही व्युरोमा सरूवा भएका छन् । भने बाजुरामा प्रहरी प्रमुखका रुपमा चतुर्भुज ओझा आँउने भएका छन । चतुर्भुज ओझा प्रहरी प्रधान कार्य विभाग विपद व्यवस्थापन महाशाखाबाट बाजुरा सरूवा भएका छन् ।
डीएसपीहरुको प्रहरी महानिरीक्षक शैलेश थापा क्षेत्रीको ०७८ कात्तिक २५ गतेको निर्णयअनुसार ०७८ को मंसिर महिनादेखिको तलब, भत्ता समेत हाल सरुवा भएको दरबन्दीबाट खान पाउने गरी सरुवा गरिएको हो ।