नेपाली काँग्रेस गौमुलद्धारा शुभकामना आदान प्रदान कार्यक्रम, एक परिवार नेकपा एमाले परित्याग गरी काँग्रेसमा प्रेवेश

बाजुरा– नेपालीहरुको महान चाँड शुभ दिपावली नजिकिदै गर्दा नेपाली काँग्रेस गौमुल गाउँ कार्यसमितिले शुभकामना आदान प्रदान तथा चियापान कार्यक्रम गरेको छ ।

नेपाली काँग्रेस गौमुलद्धारा आयोजित कार्यक्रममा बोल्दै नेपाली काँग्रेसका नेताहरुले अबको गौमुल नेपाली काँग्रेस मय बनाउने संकल्पका साथ लाग्नु पर्ने र आफु पनी रात दिन नभनि लाग्ने बताएका छन् ।

गौमुलमा नेपाली काँग्रेसका कार्यकर्ता शक्रिय रहेको प्रति धन्यवाद दिदै अबको आउने निर्बानमा निर्बाचन जित्ने गरी खटिनु पर्ने कार्यक्रममा सहभागी काँग्रेसका नेताहरुले आग्रह गरेका छन् ।

उक्त शुभकामना आदान प्रदान तथा चियापान कार्यक्रममा एक परिवारले नेकपा एमाले परित्याग गरी नेपाली काँग्रेसमा प्रवेश गरेका छन् । प्रवेश गर्नेमा गौमुल गाउँ पालिका ६ घर भएका सुन्दरे रोकायाको परिवारले नेकपा एमालेको ज्याजती मन नपराएर काँग्रेसमा प्रवेश गरेका हुन् । नव प्रबेशी रोकायालाई नेपाली काँग्रेसका नेताहरुले माला टीका लगाएर पार्टीमा स्वागत गरेका छन् ।

नेपाली काँग्रेस गौमुल गाउँ कार्यसमितिका सभापति राजबहादुर धामीको अध्यक्षतामा संचालन भएको कार्यक्रमको प्रमुख अतिथि नेपाली काँग्रेस बाजुराका सभापति तथा त्रिबेणी नगरपालिकाका नगर प्रमुख रामसिंह रावल रहनुभएको थियो ।

नेपाली काँग्रेस बाजुराका उप–सभापति तथा बडीमालिका नगरपालिकाका नगर प्रमुख पदम बडुवाल, नेपाली काँग्रेस केन्द्रिय महाधिबेशन प्रतिनिधी तथा बडीमालिका नगरपालिका नगर उप–प्रमुख कविता बिष्ट र नेपाली काँग्रेस बाजुराका पुर्ब उप–सभापति देबबहादुर रोकाया कार्यक्रममा बिशिष्ट अतिथि रहनुभएको थियो । नेपाली काँग्रेस बाजुराका जिल्ला कार्य समिति सदस्य देबबहादुर रोकाया, पार्वति कुवंर, गणेश थापा, नेपाली काँग्रेस क्षेत्रिय प्रतिनिधी जनक बहादुर रोकाया, हिरेन्द्र रोकाया, पार्वती जोशी नेपाली काँग्रेस बाजुराका पुर्ब जिल्ला कार्य समिति सदस्य तथा बडीमालिका नगर पालिका वडा नं. ८ का वडाध्यक्ष प्रकाश रावल, नेपाली काँग्रेस बडीमालिका नगर कार्य समितिका सभापति गोपाल कार्की लगाएत कार्यक्रममा सहभागी भएका थिए । कार्यक्रमको संचालन नेपाली काँग्रेस गौमुल गाउँ कार्य समितिका सचिव अर्जुन बोहराले गरेका थिए ।